Англиялик футболчи машинасининг ойнасини синдириб, янги "Audi R8" автомобилига эга бўлди

“Бизда машғулотга кечиккан футболчи катта жарима тўлайди. Шунинг учун, ойнани синдириш арзонроқ тушарди. Клуб базасига кетишга тайёргарлик кўрар эканман, ойнадаги музни тушириш учун машинадаги иситгични ёқиб, эшикни ёпдим ва у қулфга тушиб қолди. Калит эса салонда қолганди ва мен уйга қайтиб кира олмасдим. Ойнани синдириш фикри пайдо бўлмагунча, минус беш даража совуқда турдим. Учта уринишдан кейин тош отиб, ниҳоят ойнани синдирдим”, – дея instagram'даги саҳифаси орқали хабар қилган Норвуд.

Бундан хабар топган клуб раҳбарияти футболчига янги “Audi R8” автомобилини совға қилди. Англиялик 29 ёшли форвард эса “Ипсвич”га ўз миннатдорчилигини билдирган.