Андрей Шлёма: "Тожикистонга қарши биринчи ўйинда рақибга етарли баҳо бера олмадик"
29 jan 2016 13:00
News

Андрей Шлёма: "Тожикистонга қарши биринчи ўйинда рақибга етарли баҳо бера олмадик"

Футзал бўйича Ўзбекистон терма жамоаси Тожикистон билан иккита ўртоқлик учрашувини ўтказди.

Биз терма жамоамиз фахрийларидан бири бўлган Андрей Шлёма бу икки ўйин ҳақида ўз фикрларини билдирди.

"Тўғриси Тожикистонга қарши ўтган биринчи баҳсда рақибга етарли баҳо бера олмадик. Рақиб бизни жазолади. Биринчи ўйиндан сўнг мураббийлар тегишли кўрсатмаларни беришди, хатоларимизни кўриб чиқдик. Иккинчи баҳсда эса ўйланган барча режаларимиз иш берди деб ўйлайман. Натижада йирик ҳисобдаги ғалабани қўлга киритдик".

"Тожикистон терма жамоаси умуман олганда ёмон кўрингани йўқ. Жамоа сафида ёшлар кўпчиликни ташкил этади, ҳаракатчан футзалчилар кўп. Уларнинг гуруҳи кучли. Қўшниларимизга Осиё чемпионатида омад тилайман", - дейди Андрей Шлёма.