Андрей Фёдоров УЕФА “Про” лицензиясини қўлга киритди
18 dec 2015 18:13
News

Андрей Фёдоров УЕФА “Про” лицензиясини қўлга киритди

Tags : Андрей Фёдоров "Нефтчи"Про лицензияси

Аввал хабар берганимиздек, “Нефтчи” бош мураббийи Андрей Фёдоров яқинда Россия пойтахти Москва шаҳрига жўнаб кетганди.

Боиси Андрей Витальевич у ерда УЕФАнинг “Про” мураббийлик курслари бўйича сўнгги имтиҳонларни топширарди.

Фёдоровнинг хабар беришича, имтиҳонлар кўнгилдагидек ўтган. Якунда УЕФА футбол ташкилоти мураббийга энг олий тоифали бўлган “Про” лицензиясини тақдим этди. Бу билан эндиликда Андрей Фёдоров дунёнинг исталган мамлакатида бемалол бош мураббий сифатида фаолият юритиш хуқуқига эга бўлди.

Дарвоқе, “Нефтчи” устози 22 декабрь куни Москва-Тошкент ҳаво йўллари орқали юртимизга қайтади. Шу куни фарғоналиклар устози ЎФФда ташкил этиладиган олий лига-2016 учун қуръа ташлаш маросимида бевосита иштирок этишни мақсад қилган. Шундан сўнг Фёдоров Фарғонага қайтиб келади.