Андижонликлардан навбатдаги ғалабалар

Унда Андижон вилоятининг икки жамоаси “АФА-SGS Shiringaz-2005” ва “АФА-SGS Shiringaz-2006” иштирок этмоқда.

Бугун андижонликлар гуруҳдаги иккинчи тур ўйинларини ўтказди. Эътиборлиси Лочин Гулдаев бошқарувидаги “АФА-SGS Shiringaz-2006” жамоаси бу сафар ҳам ғалаба қозонди. Россиянинг “Молния” ФК жамоасига қарши кечган баҳсда андижонликлар йирик – 4:0 ҳисобида ғалаба қозонгани эътиборга моликдир. Голларга Бекмурод Абдураимжонов, Абдуллоҳ Абдунабиев, Бекзод Сулаймонов ҳамда Абдуғани Ғуломов муаллифлик қилганини айтиш лозим.

Шохрух Ишанов мураббийлигидаги “АФА-SGS Shiringaz-2005” эса “Қайрат” ФК академияси тарбияланувчиларига қарши кураш олиб борди. Мезбонларга қарши кечган учрашувда андижонликлар рақиб дарвозасига икки бор йўл топиб, ўз дарвозаси даҳлсизлигини сақлаб қолган холда, якунда турнирдаги илк ғалабасини танътана қилди. “АФА-SGS Shiringaz-2005” жамоасидан голларни Зайниддин Ҳамробоев билан Акбархўжа Нўъмонхўжаев киритди.