"Андижон" мураббийи Артём Петросян: "Футболчиларнинг ўрнига ўзингизни қўйиб кўринг"

Ўйин ҳақида

- Ўйин ҳақида нимани айтиш мумкин? Кўрдингиз, четлатиш ва дарвозамиз томон белгиланган пенальтиларга дуч келдик. Шунга қарамай йигитлар характер кўрсатишди, албатта раҳмат айтаман. Жуда эмоционал учрашувга гувоҳ бўлдик.

- Жамоа сўнгги турларда кўнгилдагидек натижа қайд эта олмаяпти? Бунга сабаб нимада деб ўйлайсиз?

- Вазиятлардан фойдалана олмаслик муаммоларига дуч келаяпмиз. Ўша "Пахтакор" билан ўйинда ҳам ўз вазиятларимиздан унумли фойдаланмаганимизда ҳисоб бундай кўринишда бўлмасди. Машғулотларда бу борада ишлаяпмиз.

- Жамоа бош мураббийи четлатилган вазиятга қандай изоҳ берасиз?

- Бунга дарвозамиз томон пенальти белгиланган вазият сабаб бўлди. Ўйин ҳароратида киши эмоцияда бўлади. Эртанги байрам кайфиятини мағлубият билан бузиб қўйиш ҳеч кимга ёқмайди.

- Футболчилар ўйин вақтида майдонни ташлаб чиқиб кетмоқчи бўлишди. Уларни учрашувга қайтариш анчайин вақтни олди. Шу вазиятни тушунтириб берсангиз?

- Энди сиз уларнинг ўрнига ўзингизни қўйиб кўринг. Сўнгги дақиқада дарвозангиз томон пенальти белгиланаяпти, ютқазсангиз шунча меҳнатингиз йўққа чиқади. Йигитлар эмоцияда шундай қилишди, бироқ биз уларга тушунтирдик ва барчаси жойига тушди.