“Андижон” ФК “Халқаро болаларни ҳимоя қилиш куни”ни юқори суръатда ўтказди

Шу муносабат билан юртимизда ушбу санъада болажонлар учун турли хил кўнгилочар тадбирлар ва хайрия учрашувлар ташкил этиб келинади.



Яқинда “Волонтерское движение Андижана” гуруҳи фаоллари вилоят қон қуйиш Маркази билан ҳамкорликда ижтимоий ҳимояга муҳтож оилаларнинг бемор болалари учун 1 – июнь “Халкаро болаларни ҳимоя қилиш куни”га бағишланган “Соғлом келажак учун” хайрия акциясини ўтказди.

Унда “Андижон” футбол клуби аъзолари ҳам бевосита иштирок этиб, бемор болалар учун совға саломларини етказди. Бу каби эътибор табиийки болажонларни ва уларнинг ота-оналарини беҳад қувонтирмасдан қолмади.



Шунингдек куни-кеча Андижон шаҳрининг Бўстон даҳасида жойлашган “Болалар ва ўсмирлар футбол мактаби”да 2005-2006 йилларда туғилган болалар ўртасида “1 июнь – халқаро болаларни ҳимоя қилиш куни” муносабати билан ўтказилган мусобақанинг якуний қисмига “Андижон” жамоамиз раҳбарияти ва бир қатор маҳаллий футболчилар ташриф буюриб, болажонларни турли-хил номинациялар бўйича совғалар билан тақдирлади.



Шу тариқа “Андижон” футбол клуби “Халқаро болаларни ҳимоя қилиш куни” байрамини юқори суръатда ўтказишга харакат қилди.



 

П.С: мустақил журналист Элмурод Эрматов фотоларидан фойдаланилди.