Анчелотти "Осасуна" билан дурангдан сўнг: "Реал" ғалаба қозонишга ҳақли эди, лекин бизда ҳеч қандай баҳона йўқ"

Мадрид клуби Испания чемпионати доирасидаги ўйинда 1:1 ҳисобида дуранг ўйнади.

"Биз учун бу энг яхши кун эмасди, лекин биз ғалаба қозонишга ҳақли эдик.

Мен пенальти тепувчини алмаштириш ҳақида ўйладим, лекин Карим Бензема ўтган мавсумда иккита муҳим пенальтидан унумли фойдаланган. У жамоадаги энг яхши пенальтичи ҳисобланади.

Бизда ҳеч қандай баҳона йўқ. Таркиб жуда яхши. Ўйин биз хоҳлагандек ўтмади.

Агар пенальтидан гол урганимизда, ғалаба қозонишимиз мумкин эди. Умуман олганда, жамоа яхши ўйнади. Бундай учрашувлар чемпионат вақтида учраб туради.

Бизнинг жуда яхши сериямиз тугади, аммо энди бошқасини топмоқчимиз.

"Реал" ғалаба қозонмаса, ҳеч ким ўзини хурсанд ҳис қилмайди. Дуранг бизни хафа қилади, аммо яқин орада бунга муносаб жавоб берамиз", – деди Мадрид клуби бош мураббийи.

Эслатиб ўтамиз, ҳисоб 1:1 бўлиб турганида, Бензема 76-дақиқада пенальтидан тепган тўп тўсинга тегиб, майдон ташқарисига чиқиб кетди.