Алишер Шоғуломов "Навбаҳор"га қарши ўйиндан сўнг: "Барибир жамоамизга тажриба етишмади"

- “Навбаҳор”ни ғалаба билан табриклайман. Ўйин қизиқарли тарзда кечди. Биринчи бўлимда тўп назорати жамоамиз томонида бўлди ва йигитлар олдиларига қўйилган вазифани бажаришди. Аммо барибир жамоамизга тажриба етишмади ҳамда кейинчалик хатолар юзага келди. Жамоамиз дарвозасига пенальтидан гол урилганидан кейин йигитлар олдинга ўтишга мажбур бўлишди ва кейин дарвозамиздан яна иккита тўп ўтказиб юбордик.

- Учрашув арафасида бошланғич таркибга киритилган легионер чигалёзди машғулотида жароҳат олди. Натижада ўйин арафасида мажбурий ўзгаришни амалга оширдингиз. Шунга батафсил тўхталиб ўтсангиз...

- Бразилиялик ҳужумчи Карвальо да Сильвада кичик жароҳат бор эди. Ўйиндан олдин у ўйнай олишини таъкидлаганди. Аммо барибир ўйинолди машғулот пайти Карвальонинг жароҳати ўз сўзини айтди. Шунинг учун уни алиштиришга мажбур бўлдик. 

- Биринчи бўлимда гарчи жамоангиз яхши ўйин намойиш этган бўлса-да,  ўйин темпи ҳам тушиб кетди.Бунинг сабаби нимада?   

- Биринчи бўлимда бизда ҳисобни очиш учун имконият бўлди, аммо ундан фойдалана олмадик. Йигитлар чарчаб қолишди. Боиси, таркибимизда рўза тутган футболчилар ҳам бор. Бу уларга ўз таъсирини кўрсатди. Рўза тутишни йигитларга тақиқлашга ҳаққимиз йўқ, албатта.

- Ўзбекистон кубоги гуруҳ босқичининг 2-туридан ўрин олган баҳсни ”Олимпик”ка қарши ўтказасизлар. Ўзига хос “пойтахт дербиси”дан нималар кутяпсиз?

- “Олимпик”ни ютамиз.

“Навбаҳор” ПФК матбуот хизмати.