Latest news

11:44Испаниялик агент қозоғистонлик дарвозабонни Европа топ-лигасига таклиф қилмоқда  0 10:45Футзал. Бугун ўсмирларимиз Осиё ўйинларидаги юришини бошлайди  0 10:17"Челси" 100 миллион еврога баҳоланган испаниялик футболчига кўз тикмоқда  2 09:43"Манчестер Юнайтед"нинг ярим ҳимоячи позицияси учун шорт-листи маълум бўлди  9 09:17"Челси" "Реал"нинг трансфер нишонини "илиб кетмоқчи"  0 08:50Алонсо "Ювентус" юлдузи учун Мбаппедан ташқари "Реал"нинг исталган футболчисини сотишга тайёр  3 08:22"Бунёдкор" стадиони ҳозир қай ҳолатда?  5 07:55"Реал Мадрид"нинг тўрт нафар футболчиси "Барселона"га қарши ўйиндан олдин сафга қайтди  13 07:28Суперлига. Бугун битта учрашув бор  7 02:16Конференциялар лигаси. "Фиорентина"дан йирик ғалаба, "Кристал Пэлас" ўз майдонида мағлуб бўлди ва бошқа натижалар  0 02:00Европа лигаси. "Рома" ўз майдонида ютқазди, Дайчнинг дебютида "Ноттингем Форест"дан ғалаба ва бошқа натижалар  1 01:41Тчуамени: "Адолатли ғалабани қўлга киритдик"  1 01:24Виртц АПЛнинг барча футболчиларидан энг яхши натижа қайд этмоқда  0 00:59Саудия Арабистони. "Ал Аҳли" ягона гол эвазига ғалабага эришди  0 00:43УЕФА ЕЧЛнинг ҳафта рамзий термасини эълон қилди  0

Алишер Никимбаев: "Тасаввур қилинг, Чилонзор тумани Осиё кубогида ғолиб чиққан..." News

Алишер Никимбаев: "Тасаввур қилинг, Чилонзор тумани Осиё кубогида ғолиб чиққан..."

Қатар футбол ассоциацияси вакили, ЖЧ-2022 ташкилий қўмитаси аъзоси Алишер Никимбаев куни кеча ПФЛ биносида бўлиб ўтган 2023 йилги Суперлига режаси бўйича йиғилиш ҳақида яна бир фикр билдирди.

"Айтганча, ПФЛдаги йиғилишда Қатар чемпионати тилга олинибди. Унда контекст бироз бузилган эди. Шу боис, Қатар футболига алоқаси бор инсон сифатида бир нарсани тушунтириб бераман.

Қатар аҳолиси 2,7 миллион кишини ташкил этади. Шу билан бирга маҳаллий аҳоли атиги 300 минг кишини ташкил қилади. Яъни, аҳоли сони бўйича Қатар тахминан Тошкент билан тенг, аммо салоҳиятли футболчилар ва томошабинлар нисбати бўйича Қатарни, масалан, Чилонзор тумани билан солиштирсак бўлади.

Тасаввур қилинг, Чилонзор туманининг иккита чемпионатида жами 20 та жамоа иштирок этади, шундан 17 таси профессионал ва 3 таси ҳаваскор. Шу билан бирга, ҳаваскорлар учун алоҳида чемпионат ҳам мавжуд.

Яна тасаввур қилинг, Чилонзорнинг 3-4 клуби Осиё чемпионлар лигасида мунтазам қатнашиб, ҳатто гуруҳдан чиқиб туришади. Чилонзор терма жамоаси эса Осиё Кубогида иштирок этиб, ҳаттоки сўнгги турнирда ҳам ғалаба қозонган. Тасаввур қилдингизми?

Ҳа, Қатарда жуда кўп пул бор. Лекин мамлакатда кўп пул бор дегани доим ҳам футболда катта пул бор дегани эмас. Масалан, аҳоли жон бошига ЯИМ Қатардан юқори бўлган мамлакатлар рўйхатида Люксембург, Сингапур ва Ирландия бор. Уларнинг клубларини бой деб ҳисоблаш мумкинми?

Қатар клублари жуда кўп пул сарфлашади, чунки уларнинг лигаси ўзини ўзи қоплайди, бадал пули олмайди ва даромадларини клублар билан баҳам кўради. Ҳа, давлат пулининг маълум улуши бор, лекин клублар ўз маблағларини сарфлашда чекланган: маошлар учун даромаднинг маълум фоизидан кўпроғини сарфлай олмайсиз.

Дарвоқе, жорий мавсум Қатар Юлдузлар лигасида сўнгги бор 12 та клуб иштирок этмоқда. Келгуси мавсумдан бошлаб уларнинг сони 10 та бўлади. Клублар кўпроқ ўйин ўтказишлари учун турнир уч босқичда ўтказилади.

Аммо иккинчи дивизионда ҳозиргидек 8 та эмас, 10 та клуб бўлади. Айтганча, Қатарда бу ОЧЛдаги иштирокка таъсир қилишини билиб туриб, Юлдузлар лигасини қисқартиришга қарор қилишди. 2024-25 йилги мавсумдан бошлаб Қатарнинг 3 тадан ортиқ клуби Чемпионлар лигасида иштирок эта олмайди.

Бу ерда клуб вакиллари билан учрашувлар қандай ўтказилиши ва Лига клублар манфаатларини қандай ҳимоя қилиши ҳақида гапирмайман. Барибир ишонмайсиз", - деб ёзади Алишер Никимбаев телеграмдаги ўз каналида.

Rating: +27   

Comments

championat.asia
< show latest news
Яндекс.Метрика