Алишер Латипов: "Ҳар бир ўйинда ғалаба учун майдонга чиқамиз"

Ўйин ҳақида

- Ўйин жуда қизиқарли, жанговар бўлди. "Металлург" Суперлига жамоаси. Йигитлардан бугун чиройли ўйин кўрсатиб беришларини сўрагандим. Тўғри, хатолар бўлди, аммо йигитларга раҳмат, ажойиб ўйин кўрсатишди. 

- "Юниред" гуруҳда учта Суперлига клуби билан тўқнаш келган. Жамоа бор эътиборни Про лигага қаратадими ёки кубок ўйинлари ҳам муҳимми?

- Савол тушунарли. Биз ҳар бир ўйинга ғалаба учун майдонга чиқамиз. Тўғри, учта Суперлига жамоаларига қарши ўйнаймиз. Бу жуда қизиқ ўйинлар бўлади. Кучли жамоаларга қарши ўйнаш доим қизиқ. Мақсадимиз ҳар бир ўйинда ғалаба қозониш. 

- Иккала гол ҳам ён чизиқдан ошириб берилган тўпдан кейин юзага келди. Бунинг устида алоҳида ишланганми?

- Кўп голлар стандардлардан урилмоқда. Машғулотларда албатта бу нарса устида ишланади.

- Жамоанинг асосий мақсади Суперлигага чиқишми ёки футболчилар етказиб бериш?

- Албатта, биз юқорига интилаверамиз. Насиб бўлса, Суперлигада ҳам ўйнашимиз мумкин. Жамоамиздан бирор футболчи Словакияга кетса биз албатта хурсанд бўламиз.