Александр Хомяков: "Тезкор голлар ғалабамизни таъминлади"

"Аввало мухлисларимизни табриклайман. Тезкор гол уриб олдик. Лекин умуман олганда ўйин шиддатли кечди. Ўйин сўнггида эса рақиб устунликка эга бўлди. Йигитлар бугун ғалабани жуда ҳам исташди. Барчани табриклайман", - дейди Хомяков.

- Таркибга келган янгилар ҳақида фикрларингиз...
- Умуман олганда футболчиларнинг бари майдонда бор кучи билан ўйнади. Букаткин ҳам, Иванов ҳам бугун яхши савияда ўйин намойиш этишди. Бобохонов анча ҳаяжонланди, лекин бу барчада бўлади.

- Бундан стартни ўзингиз ҳам кутмаган бўлсангиз керак.
- Нега энди (кулади). Биз ҳар бир ўйинда ғалаба учун майдонга тушамиз. Барчасини тўғри бажардик ва 6 очко қўлга киритдик.

- Ҳужумчиларнинг вазиятдан фойдалана олишмагани ҳақида фикрларингиз...
- Тўғри вазиятлар бўлди. Лекин Қўзибоев ҳам, Тўраев ҳам профессионал. Бунинг устида ишлашда давом этамиз.

- Бугун Ҳумоюн Муртазоев майдонга тушди, Наманганда Шоҳруҳ Достонов майдонга тушганди. Таркибда яна асосий таркибга кириши мумкин бўлган ёшлар борми?
- Бу футболчилардан ташқари Турсунмурод Ҳамдамов, Сирожиддин Раҳматуллаев, Холмуродов Холмуродов каби футболчилар исталган вазиятда майдонга тушишга тайёрлар.


Нарзулла Сайдуллаев