Александр Хомяков: "Пахтакор"га қарши ўйиндан кейин футболчиларим бугун катта босимсиз ғалаба қозонамиз деб ўйлашди"

- Бугунги кўрсатган ўйинимиз учун барчадан узр сўрайман. Ўйинни ухлаб қолгандек бўлиб бошладик ва рақибга иккита голни совға қилдик. Бу эса уларга комфорт ҳолатни тақдим қилди. Иккинчи бўлимда барчасини ўзгартиришга ҳаракат қилдик. Ўйлаганимизнинг барчасини амалга ошира олмадик. Ҳисобни тенглаштиргандик, афсуски, яна "ухлаб қолдик" ва гол қўйиб юбордик. Рақиблар ғалабани кўпроқ истади, улар яхши ҳимояланишди ва ўйин ритмини назорат қилиб туришди. "Сурхон" ғалабага лойиқ эди. Ўйин олдидан рақибни ўрганганимизда "Сурхон"ни бизга ноқулай рақиблигини, уларга ўзлари истагандек ўйин кўрсатмаслиги кераклигини тушунтиргандик. Акс ҳолда бизга катта муаммолар келтиришини билардик. Шундай бўлди ҳам. Яна бир бор мухлислардан узр сўрайман.

- "Пахтакор" устидан қозонилган ғалабадан кейин жамоангиз хотиржамликка берилмадими?

- Биз бу ҳақда кўп гапирдик. Майдонга тушдик, ўзимизга ишондик. Бугунги ғалаба бизга қалбан сокинлик тақдим қиларди. Футболчиларим "Сурхон"ни катта босимсиз мағлуб қила оламиз деб ўйлашганди. Аммо доимо такрор ва такрор уларга "Сурхон"нинг бизга ноқулай рақиблигини ва босим катта бўлишини тушунтиргандик. Балки футболчиларим тикланишга улгурмагандир, балки мен тиғиз тақвим сабабли кўзда тутилган ротацияни тўғри амалга оширмагандирман. Олдимизда "Динамо"га қарши ўйин бор, шу боисдан айрим футболчиларимга куч тўплаб олиш учун вақт бердим. Бугун майдонга тушишни истаган, ўйнай оладиган футболчиларга имконият бердим. Бу ерда барча айб менда. Рақиб ғалабани биздан кўра кўпроқ истади.

- "Андижон"нинг асосий ҳужумчиси Ислам Машуков ҳали гол ургани йўқ. Бунга сабаб нимада?

- У юқори сифатли ҳужумчи. Балки ҳали мослашиш жараёни якунига етмагандир. Унга катта умид билдиряпмиз. Бир қанча вақт ўтиб, у голлар уради ва жамоага фойда келтиради.