Александр Хомяков: "Ўйин охирида ҳимояга ётиб олмадик. Шунчаки рақиб бизни ҳимояланишга мажбур қилди"
14 may 2023 22:01
News
![](https://championat.asia/upload/storage/750722_original.jpg)
![](/upload/storage/750722_220.jpg)
Александр Хомяков: "Ўйин охирида ҳимояга ётиб олмадик. Шунчаки рақиб бизни ҳимояланишга мажбур қилди"
Ўйин ҳақида
- Албатта, хафсаламиз пир бўлди. Яна ўйиннинг охирига келиб устунликни сақлаб қола олмадик. Умуман олганда, режамиз ишлади. Ўйин охирида биз ҳимояга ётиб олмадик. Аксинча, рақиб бизни бунга мажбур қилди. Йигитларга эътирозим йўқ. Ҳамма яхши ўйнади, аммо иккинчи қаватдан голлар ўтказдик. Олдинга интилишда давом этамиз.
- "Андижон" биринчи таймда яхши ўйнади. Иккинчи таймда эса жамоа ўйинида бироз пасайиш бўлди...
- Қайтараман, биз чарчаб қолганимиз йўқ. Шунчаки, рақиб бизни шунга мажбур қилди. Улар бор кучлари билан ҳужумга ўтишди. Менимча, айнан шунинг учун ўйинимиз чиқмади. Иккинчи бўлимда ўрта блокларда ҳимояланиб, тезкор қарши ҳужумлар ташкил қилиш ниятида майдонга чиққандик. Шу тарзда иккита вазият яратдик. Бу имкониятлар ғалаба қозониш учун идеал даражада эди. Бироқ, ундан фойдалана олмадик. Алам қилади, албатта. Аммо, олдинга қадам ташлаш керак.
- Рубин Хебай ҳар ўйин голлар урмоқда. У ҳозир ўзининг энг оптимал формасидами?
- Ҳа, у ҳар ўйинда гол урмоқда. Хебай яна қўшиши мумкин.
- "Андижон"нинг мавсум бошидаги ўйини билан ҳозирги ўйинини таққослай оласизми? Жамоа қайси жабҳаларда ўсди?
- Ҳужумдаги муаммомиз ҳали ҳам бор. Ҳимояда эса мавсум бошида яхшироқ эдик. Яхшиланган жиҳатга келсак, ҳимоядан ҳужумга ўтиш жараёнида бироз ўсишга эришдик. Бизда яккакурашларга асосланган футбол. Қарши ҳужумга ўтиш борасида бироз ўйинимиз яхшиланди. Позицион ҳужумлар, тўпни назорат қилишда бизда муаммолар жуда кўп. Бизга тўп назорати керак, чунки ҳар доим ҳам ҳужумга ўта олмайсиз. Очиқчасига айтганда, нафас олиб олишимиз учун ҳам биpга тўп назорати керак. Қиладиган ишлар кўп. Бизда бошқа йўл йўқ. Олдинга ҳаракат қилиш лозим.
- Рубин Хебай қайтганидан сўнг, жамоанинг ўйин услуби бироз ўзгарди. Жамоа кўплаб ҳужумлар қилмоқда, вазиятлар яратмоқда. Бу Хебай билан боғлиқми ёки бошқа сабаб борми?
- Бизда ҳужумда муаммолар бор. Кўп ҳужум қилаётганимиз ҳақидаги гапингизни хушомад деб қабул қилдим. Аслида, биз унчалик ҳам кўп ҳужум қилмаяпмиз. Муҳими фойдали ҳужум қилиш керак. Ҳозирги ҳолатда бу ҳақида бирор нарса дейишим қийин.
Similar news
![AMP Logo](https://championat.asia/image/logo-amp.png)
Comments