Александр Волков: "Чарчоқ аломатлари сезилди"

"Ўйинни қайта кўришимиз керак. Бугун чарчоқ аломатлари ўз сўзини айтди. Тезкор гол ҳам режамизга ўзгартириш киритиб юборди. Тўғри имкониятлар бўлди, айниқса стандарт вазиятлардан. Кото жароҳатидан энди тузалган ва тикланиш жараёнида", - дейди Александр Волков.

- Сўнгги ўйинларда Симоненко ва Каримов кўплаб хатоларга йўл қўйишяпти?
- Бугун уларда чарчоқ бор эди. Умумий ҳимоячиларга баҳо берадиган бўлсам, бизда улар секин фикрлайдилар.

- "Бунёдкор" футболчилари томонидан ҳакам томон кўплаб эътирозлар бўлди...
- Футболда киши қизишиб кетади ва хиссиётга берилади. Уч суткадан бери деярли йўлда бўлганлигимиз ҳам бунга сабаб бўлди. Бундай паллада футболчиларимизни тўғри тушунишимиз керак.

- Бугун ҳам жамоангиз "Ал Ҳилол" билан бўлиб ўтган учрашувдаги каби яратилган имкониятлардан фойдалана олмади. Бунга сабаб нима?
- Асабни жойига қўя олиш керак. Футболчилар ўз танлаган позицияларида тўғри зарба бера олишлари лозим. "Ал Жаиш" билан ўйинда Симоненко шундай ҳаракат қилган эди. Бугун эса "Насаф" футболчилари.

- Японни асосий таркибда кўрмаяпмиз?
- Легионер бу пул дегани (залда кулгу).

Нодирхўжа Юлдашев