Александр Соболев: "Афсуски, ўз имкониятларимдан фойдалана олмадим"

"Яхши ўйнадик. Ғалаба қозонишимиз керак эди. 3-4 та вазиятни голга айлантира олмадим. Ёмон ўйин бўлмади.

Чалқанча зарба? Мен илгари шундай гол урганман. Афсуски, ўз имкониятларимдан фойдалана олмадим.

Майдон сифатидан қатъи назар майдонда ўзимни аямайман.

Бундан кейин қайси термага қарши ўйнашимиз муҳим эмас. Асосийси, шунчаки ўйнаш. Ким билан эканлиги муҳим аҳамият касб этмайди.

Рақиблар даражаси? Бу яхши ёки йўқлигини айта олмайман. Ҳозир натижаларга унчалик ҳам эътибор қаратмаяпмиз. Умуман олганда, бу яхши жамоа", – деди ҳужумчи.

Абдулвосит Бектемиров суҳбатлашди