Александр Ежов: "Қизил карточка барча режаларимизни ўзгартириб юборди"
19 may 2021 23:27
News

Александр Ежов: "Қизил карточка барча режаларимизни ўзгартириб юборди"

Про лиганинг 8-туридан ўрин олган "Хоразм" - "Олимпик" (1:1) учрашувидан кейин мезбонлар бош мураббийи Александр Ежов ўз фикрларини билдирди.

"Жуда оғир ўйин бўлди. "Олимпик" бутун мамлакатдан келган яхши ёш футболчилардан иборат жамоа. Ушбу жамоа мураббийи Тимур Кападзе "Манчестер Сити" услубида ишлашини биламан.

Афсуски биринчи таймда қизил карточка олдик. Кетма-кет иккинчи ўйин ўз майдонимизда камчиликда ўйнаб ютқазмаяпмиз. Йигитларга характер намойиш этишгани учун раҳмат айтаман.

Қизил карточка барча режаларимизни ўзгартириб юборди. Аммо такрорлайман йигитларимиз охиригача курашишди. Бундан ташқари мухлисларга ҳам раҳмат айтаман.

"Хоразм"да муҳит ва тартиб-интизом яхши ҳолатда. Бу борада ҳеч қандай муаммо йўқ.

"Бухоро" билан ўйиндан кейин мухлислар келишди ва ўз фикрларини билдиришди. Мухлисларга вазиятни тушунтирдик ва барчаси жойида. Улар билан ўзаро тил топишдик. Бугун сўнгги сонияга қадар мухлислар бизни қўллаб туришди. Барчаси жойида", - дейди Александр Ежов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4