Александр Ежов: "Про лигада мавсумнинг биринчи голини "Хоразм" урганидан хурсандмиз"
24 mar 2021 22:03
News

Александр Ежов: "Про лигада мавсумнинг биринчи голини "Хоразм" урганидан хурсандмиз"

Про лиганинг 1-туридан ўрин олган "Хоразм" - "Истиқлол" (2:1) учрашувидан кейин мезбонлар бош мураббийи Александр Ежов ўз фикрларини билдирди.

"Биринчи навбатда Ўзбекистон халқини Наврўз байрами билан табриклайман. Бундан ташқари ғалабага эришган шогирдларимни ҳам табрикламоқичман. Стадионга келган барча мухлисларга раҳмат дейман, улар ҳар бир ўйинда бизни шундай қўллаб туришади. Қийин ўйин бўлди, аммо йигитлар ўзларини қўлга олиб ғалаба қозонишди. Бутун Хоразм аҳлини ғалаба билан табриклайман.

Худога шукурки янги футболчилар жамоага тезда қўшилиб кетишди. Ҳеч қандай муаммо бўлмади.

Бу мавсум ҳар бир ўйинда ўз олдимизга ғалаба қозониш вазифаси қўйилган.

Таркибимизда кўплаб футболчиларнинг жароҳати бор. Сарвар Жуманиязов ўйнмади, Рўзимбой Аҳмедов ва Фарруҳ Ҳайдаров эса кичик жароҳат билан ўйнашди.

Рўзимбой Аҳмедовнинг ҳолати ҳақида маълумотига эга эмасмиз. Шифокорлар кўригидан кейин барчасини ойдинлашади. Қувонарлиси Про лигадаги илк голни айнан Аҳмедов уришга эришди. Бу мавсум янада кўпроқ голлар уришни истаймиз", - дейди Александр Ежов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4