Альбиоль жамоасининг мақсадлари ҳақида гапирди

“Бизнинг мақсад – Скудеттони қўлга киритиш. Бу бутун шаҳарнинг орзуси. Биз ана шу мақсадга эришиш йўлида меҳнат қилаяпмиз. Аммо бу жуда қийин иш. “Наполи” ўз тарихида икки марта ушбу совринга эга чиққан. Бизнинг асосий мақсад учинчи бор ушбу ишни амалга ошириш.

Бу менинг жамоадаги бешинчи мавсумим. Бошиданоқ бу ерда мени мухлислар ва жамоадошларим илиқ қабул қилишганди. Мен кўп вақтимни уйда ўтказаман. Чунки кўчага чиқишим билан мени таниб қолишади ва расмга тушишни исташади. Шаҳар футболни жуда севади”, деди испаниялик ҳимоячи AS нашрига берган интервьюсида.