Алан Перрен: "Чорак финалда бизга ким рақиб бўлишининг фарқи йўқ"

"Бугун катта натижага эришдик. Йигитлар ғайрат билан ҳаракат қилишди ва фантастик натижага эришдик. Кейинги босқичга чиқдик. Ўйин бошида у қадар яхши ўйнай олмадик. Лекин охиригача курашиб керакли натижага эришдик", - дейди Перрен. 

"Биз мураббийнинг кўрсатмасига кўра ўйнадик. Яхши ўйин билан ғалабага эришдик. Барчамиз хурсандмиз", - дейди Ву Кси.

- Танаффус вақтида захирадаги баъзи ўйинчилар чигалёзди машғулотларини қилишмади. Бунинг сабаби нимада?

- Чигалёзди машқ қилмаган бўлса ҳам захирадан майдонга тушганлар яхши ўйнашди. Масалан, Сун Ке гол урди. Бизга машғулот эмас ўйин муҳим.  

- Алмаштиришларни изоҳлаб берсангиз.

- Ўйин 90 дақиқа давом этади. Футболчиларда жисмоний куч бўлиши керак. Менда учта ўзгартириш имконияти бор. Уларнинг бари мен учун жуда муҳим. Вазиятдан келиб чиқиб керакли ўйинчиларни туширдим. 

- Австралияга келишдан олдин сиз гуруҳда биринчи ўринни оламиз деган эдингиз. Табриклайман. Ву Кси ва Сун Ке ҳақидаги фикрларингизни билдирсангиз. 

- Ву Кси ҳам, Сун Ке ҳам бугун жамоамизга фойда келтиришди. Сун Ке майдонга тушиши билан гол уришга эришиб руҳиятимизни кўтариб юборди.

- Гуруҳда биринчи ўринни олиб бўлдинглар. Чорак финалда қайси рақибга қарши ўйнашни истардингиз: Жанубий Кореями ёки Австралиями?

- Биз рақиб танлай олмаймиз. Ким бизга рақиблик қилса ўша жамоага қарши ўйнайверамиз. Осиё Кубогида кучсиз рақиб йўқ.

- Жамоа гуруҳдан чиқиш вазифасини ижобий ҳал қилди. Бугун футболчиларга байрам қилишларига рухсат берасизми?

- Меҳмонхонага қайтгач шампан ичишим мумкин. Лекин кейинги ўйинлар биз учун муҳим. Ўзимизни йўқотмаган ҳолда навбатдаги баҳсга тайёргарлик кўрамиз.

Ву Кси: "Албатта биз кейинги босқичга чиқдик. Буни нишонлаймиз. Қўшиқлар ва рақслар билан дам оламиз. Эртадан КХДРга қарши ўйинга тайёргарлик бошланади"

- Иккинчи бўлимда нималар бўлгани ҳақида айтиб беринг.

Ву Кси: "Мураббий кўрсатмаси тўғри бўлиб чиқди. Иродали ғалабага эришганимиздан хурсандмиз. Захирадан тушганлар бизга анчагина ёрдам берди".

Нарзулла Сайдуллаев

Брисбен шаҳридан