"Ал Насср" Роналдунинг ёнига Мессини олиб келса ҳам, "Ал Ҳилол"ни енга олмайди"
19 aug 16:55
News

"Ал Насср" Роналдунинг ёнига Мессини олиб келса ҳам, "Ал Ҳилол"ни енга олмайди"

"Ал Ҳилол" собиқ ярим ҳимоячиси Ториқ Иброҳим Мууҳаммад ал Таиб "Ал Насср"га Месси ҳам ёрдам бера олмаслигини айтди.

Куни-кеча Саудия Арабистони Суперкубоги доирасида "Ал Насср" - "Ал Ҳилол" (1:4) учрашуви бўлиб ўтди. Криштиану Роналду ҳисобни очган бўлса, Сергей Милинкович-Савич, Малком ва Александар Митрович (дубль) "Ҳилол"нинг ишончли ғалабасини таъминлади.

Учрашувдан кейин "Ал Ҳилол"нинг собиқ ярим ҳимоячиси Ториқ ал Таиб рақиб ҳақида кескин фикр билдирди: "Агар Ал Насср" Роналдунинг ёнига Мессини олиб келса ҳам, улар "Ал Ҳилол"ни енга олмайди. Месси ва Роналду бирга бўлса ҳам "Ал Ҳилол"ни мағлуб этишга қодир эмас".