Акмал Шораҳмедов: “Кучли жамоаларга қарши майдонда ҳақиқий кураш бўлади”
16 oct 2016 12:34
News

Акмал Шораҳмедов: “Кучли жамоаларга қарши майдонда ҳақиқий кураш бўлади”

“Бунёдкор” жамоаси ўз уйида Қаршининг “Насаф” клубини қабул қилди ва кичик 1:0 ҳисобида зафар қучди. Учрашувдан сўнг “қалдирғочлар” ҳимоячиси Акмал Шораҳмедов ўйин ҳақида фикр билдирди.

“Чемпионатдаги ўз ўрнимизни сақлаб қолишимиз учун ушбу учрашув жуда ҳам муҳим эди. Қаршида “Насаф” жамоаси билан дуранг қайд этганмиз. Шунинг учун ҳам ушбу баҳс 6 очкога тенг бўлди. Биз сўнгги ўйинларимизни у қадар яхши ўтказмаётган эдик. Шу сабабдан “Насаф”ни мағлуб этиб руҳан ўзимизга келиб олишимиз керак эди. “Насаф” ҳам кучли жамоа, кейинги учрашувларда уларга омад тилайман.

Чемпионатимизда бироз муддат танаффус бўлганлиги сабабли ўйин ритмидан чиқиб кетгандик. Барча “Бунёдкор” майдони оғир эканлигини билади. Шу боисдан кўп футболчилар жароҳат олишмоқда. Кучли жамоаларга қарши майдонда ҳақиқий кураш бўлади. Энг асосийси натижа”, - дейди “Бунёдкор” жамоаси ҳимоячиси Акмал Шораҳмедов.

Жаҳонгир Сотволдиев

Link :

Source : championat.asia

Receive latest football news directly on your phone. Subscribe for our Telegram channel!

Rating: +1