Ажойиб! "Боруссия" футболчилари клубнинг 850 ходимини ишда сақлаб қолиш учун ўз маошларини камайтиришди
24 mar 2020 13:20
News

Ажойиб! "Боруссия" футболчилари клубнинг 850 ходимини ишда сақлаб қолиш учун ўз маошларини камайтиришди

Дортмунднинг "Боруссия" жамоа коронавирус сабабли Германия чемпионати тўхтатилганлиги ортидан маошларини камайтиришга келишиб олишди.

Хабарларга кўра, клуб раҳбарияти ўйинчиларнинг маошини 20%га қисқартириш ниятида бўлган. Бу коронавирус сабабли карантин вақтида клубнинг 850 ходимини ишда сақлаб қолар эди.

Олдинроқ, "Барселона" футболчилари пандемия сабаб иш ҳақларининг пасайтирилишига қарши эмасликлари хабар қилинган эди. Шунингдек "Вердер" ўйинчилари ҳам клуб раҳбариятидан даромадларини пасайтирилишини сўрашган.

Эслатиб ўтамиз, Германия чемпионати 2 апрелга қадар тўхтатилган.

Айни пайтда Германияда 29056 инсон (дунёда 5-ўрин) коронавирусга чалинган бўлиб, 123 нафари вафот этган.

Link :

Source : Bild

Receive latest football news directly on your phone. Subscribe for our Telegram channel!

Rating: +14