АГМК - "Пахтакор" учрашуви превьюси
11 jul 2018 12:32
News

АГМК - "Пахтакор" учрашуви превьюси

12 июль куни Суперлиганинг 14-турида "Пахтакор" Олмалиқда АГМК жамоаси меҳмони бўлади.

Мазкур учрашувда "Шерлар" сафида асосий таркибнинг барча футболчилари майдонга тушиш имкониятига эгалар. Жароҳат олган ёки дисквалификацияга учраган ўйинчилар мавжуд эмас.

Жамоалар чемпионатлар тарихида ўзаро 21 беллашувда майдонга тушишган. Уларнинг 15тасида жамоамиз ғалаба қозонган. 2 ўйинда дуранг қайд этилган бўлса, 4 баҳсда АГМК зафар қучган. 32 бор рақиблар дарвозаси ишғол қилиниб, 13 марта тўп ўтказиб юборилган.

Олмалиқда ўтган беллашувларнинг 7тасида "Пахтакор" муваффақиятга эришган. 3 бор мезбонларнинг қўли баланд келган. Энг йирик ғалабамиз 4:1 натижаси билан рўй берган.

АГМК ва "Пахтакор" ўртасидаги учрашув 12 июль, пайшанба куни 21:00да ОКМК стадионида бошланади.

Link :

Source : pakhtakor.uz

Receive latest football news directly on your phone. Subscribe for our Telegram channel!

Rating: +4