Аброр Пирриев: "Ўзини ҳурмат қилган тиббий ходим ҳеч қачон тиббий ускуна таҳлилини сўнгги хулоса тарзида қабул қилмайди"

Унга кўра, Ян Катанец: "Ҳожиакбар Тошкентда МРТ (Магнит-резонанс томография) анализини топширган экан. Ушбу анализларнинг жавоби нотўғри экан. МРТ анализининг жавобига кўра, у бемалол ўйнай олар эди. Лекин аслида бундай бўлиб чиқмади. Тошкентда топширилган МРТ анализининг ташхиси нотўғри",- деган фикрни билдирди.

Тажрибали спорт шифокори Аброр Пирриев мазкур фикрларга ўз муносабатини билдирди.

"Тиббий ускуна – шифокорга қўшимча маълумот берувчи восита ҳисобланади холос. Ташхисни эса доимо шифокор қўяди!!! Чунки шифокорда энг муҳим жиҳат: “шифокор фикрлаши” – “врачебное мышление” бўлади. Бу эса мудом ўқиш, изланиш ва тажриба ила орттирилади.

Шу боис, ўзини ҳурмат қилган тиббий ходим ҳеч қачон тиббий ускуна таҳлилини сўнгги хулоса тарзида қабул қилмайди. Балки ўзининг шахсан текшируви асосида барча жиҳатларни инобатга олиб, таҳлил қилиб, сўнгра сўнгги ташхисни қўяди",- дейди Аброр Пирриев.