Абраҳам "Челси"га қайтиш ҳақида фикр билдирди, лондонликлар уни сотиб олиш ҳуқуқига эга

Эслатиб ўтамиз, англиялик форвард ўтган йил 40 млн евро эвазига "бўрилар" сафига қўшилганди. Италиядаги биринчи мавсумидаёқ у 27 та гол уришга муваффақ бўлди. 

"Челси"нинг "Рома" билан келишувига кўра, лондонликлар келгуси йилдан Тэмми 80 млн евро эвазига қайта сотиб олиш ҳуқуқига эга. Қолаверса, Томас Тухель ҳозирда марказий ҳужумчига муҳтож. Бироқ Абраҳам АПЛга қайтишга шошилмаяпти.

"Рома"га келган илк кунимданоқ ўзимни бахтиёр ҳис қилмоқдаман. Премьер-лигага қайтишга шошилмаяпман, чунки бу ерда ўзим кутган ўйинни намойиш эта оляпман. Италияда ўзимни ҳар томонлама бахтиёр ҳис қилмоқдаман. Ишонинг, мен келажак ҳақида эмас, фақат бугунги кун ҳақида ўйлаяпман", — деди инглиз футболчиси.