Latest news

18:32Хаби Алонсо "Ювентус"га қарши ўйин ҳақида: "Уларнинг "Манчестер Сити"га қарши ўйини ҳеч нимани англатмайди"  0 18:06Суперлига. "Навбаҳор" - "Машъал" баҳси асосий таркиблари маълум!  2 17:45"Милан" 3 футболчини сотиб олмади ва жамоасига қайтариб юборди  0 17:20"Штутгарт" футболчисини 100 млн еврога баҳоламоқда, "Бавария" эса 50 миллионга  0 16:51"Пахтакор" Қаршида сўнгги дақиқаларда иккита гол уриб, мағлубиятдан қутулиб қолган учрашувдан ГАЛЕРЕЯ  4 16:23"Барселона" Месси, Коутиньо, Куман олдидаги қарзларини ёпди  11 15:52"WhoScored" клублар ўртасидаги жаҳон чемпионатининг гуруҳ босқичи рамзий термасини тақдим қилди  13 15:15Факт: "Нефтчи" 17 йилдан буён меҳмонда "Қизилқум"ни юта олмаяпти  3 14:52“Нефтчи” академияси фаолиятини бошламоқда!  3 14:20Месси туғилган кунини нишонлади, Араухо уйланди, ПСЖда "ойлик чиқди". Футбол юлдузлари ҳафтани қандай ўтказди?  12 14:10Котрина Кулбите: "Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз"  1 13:54"Динамо" бир киши кам бўлиб "Қўқон-1912"ни ютган учрашувдан галерея  2 13:28Гвардиола Грилишнинг кам ўйнаётгани сабабини айтди  1 12:56Милан Митрович: “Футбол ҳаётга ўхшайди — ҳамма нарса режадагидек кетавермайди”  2 12:50Симоне Инзаги: "Пеп Гвардиола - энг зўри"  2

Абдураҳмон Юмангулов ва Ихтиёр Каримов "Шўртан"да иш бошлашди News

Абдураҳмон Юмангулов ва Ихтиёр Каримов "Шўртан"да иш бошлашди

Футбол бўйича Ўзбекистон Биринчилиги ПРО-Лига “А”гуруҳида иштирок этиб келаётган Ғузорнинг “Шўртан” жамоаси бошқарувида юз берган ўзгаришлар тўғрисида яқинда хабар берилган эди.

Жумладан, клуб бош менежерлигига Ш.Ярулин тайинланган бўлса, “Оқ бўрилар” бош мураббийлигини А.Алиқулов қўлга олди. Шамил Ярулин аёллар футболида мамлакатимизнинг номдор клубларидан бири “Севинч” (Қарши) ҳамда “Насаф” жамоалари бошқарувида самарали меҳнат қилиб танилган бўлса, Асрор Алиқуловга ҳам ортиқча таъриф беришнинг ҳожати йўқ. Биргина ўтган мавсумда “Машъал” жамоаси унинг бошқарувида яна Суперлигага йўл олгани кўп нарсадан далолат бериб турибди.

Мавзуни давом эттирган ҳолда шуни таъкидлаш жоизки, Президентимизнинг миллионлар ўйинини янада ривожлантириш тўғрисидаги қарорлари асосида Ғузорда ҳам болалар футбол Академияси ўз фаолиятини бошлади. Ушбу футбол масканига тажрибали мутахассисларни ишга таклиф этиш борасида ҳам жиддий ҳаракатлар амалга оширилмоқда. Ўз даврининг таниқли футболчилари, кейинчалик шу соҳада мураббий ва мутахассис бўлиб иш олиб борган Абдураҳмон Юмангулов директор, Ихтиер Каримов эса унинг ёрдамчиси вазифасига тайинланишди.

А.Юмангулов мустақиллик даврининг дастлабки йилларида “Машъал” (Муборак) сафида Қашқадарё футболини мамлакатимиз Олий лигасига кўтарилишида катта ҳисса қўшганлиги билан мухлислар эътиборига тушган.


И.Каримов Ғузор футболининг тарбияланувчиси ҳисобланади. У “Шўртан” таркибида, аввал футболчи кейин эса мураббий, бош мураббий лавозимларида муносиб фаолият кўрсатган. Нафақат ғузорлик, балки қашқадарёлик ва қолаверса, Республикамизнинг кўп минг сонли мухлислари яхши билишадики, 2017 йилги футбол мавсумининг биринчи даврасида Ихтиер Каримов бош мураббийлигидаги “Оқ бўрилар” кетма-кет пойтахтнинг тўртта - “Локомотив” (2:0), “Пахтакор” (3:0), “Бунёдкор” (1:0) ва “Обод” (2:0) каби жамоаларини мағлуб этишга муваффақ бўлган.

Ўз навбатида биз ҳар икки мутахассисга масъулиятли вазифаларида муваффақиятли фаолият олиб боришларини тилаб қоламиз.


“Шўртан” матбуот хизмати бўлими

Rating:    

Comments

championat.asia
< show latest news
Яндекс.Метрика