Абдуллоҳ Олимов: "Машъал" барқарор жамоа"

"Биласиз ўтган мавсумни "Қўқон-1912" жамоаси таркибида ўтказдим ва жамоага имкон қадар ёрдам беришга ҳаракат қилдим, аммо баъзи бир ўйинларда мураббийлар мени захирада қолдиришди.

Шартномам якунига етгач жамоани ўзгартиришга қарор қилдим. Олдимда бир қанча вариантлар бор эди ва мен иккиланишсиз "Машъал"ни танладим, боиси  бу клуб анча барқарор ва мустаҳкам пойдеворга ҳамда ўзбек футболида ўз мавқейига эга. Шартномада кўрсатилган бандлар мени қониқтирди шу боис "Машъал" билан икки йиллик келишувга имзо чекдим.

Эндиликда "Машъал" жамоаси менга билдирган ишончи оқлаб жамоа муваффақиятига ўз хиссамни қўшмоқчиман. Клуб бош директори Илҳом Қурбонов, жамоа бошлиғи Дилявер Ваниев ва бош мураббий Александр Хомяковлар билан суҳбатлашдим улар мени яхши кутиб олишди. Бунинг учун уларга ўз миннатдорчилигимни билдираман", - дейди Олимов.