Абдужамол Исроилов - «Динамо» футболчиси

Клуб мураббийлар штаби қарорига кўра, Абдужамол Исроилов «Динамо» жамоаси сафига қўшилди. Клуб ва 25 ёшли ярим ҳимоячи ўртасида бир йиллик шартнома имзоланди. 

Абдужамол Исроилов 2017 йил айнан «Динамо» сафида Суперлигада дебютини ўтказиб, мухлисларга танилганди. Марказий ярим ҳимоячи ўтган йиллар давомида «Нефтчи», «Навбаҳор» ва «Бухоро» клублари шарафини ҳимоя қилди. 2022 йилги янги мавсум олдидан эса эркин агент сифатида «Динамо» жамоасига қайтди. 

"Жиддий жароҳатидан тикланган футболчи яна аввалгидек самарқандлик мухлисларни ўз ўйинлари билан хурсанд этишига тилакдошмиз. «Динамо» оиласига хуш келибсан, Абдужамол!", - дейилади хабарда.