Latest news

14:17Жонни Эванс МЮда маълум бир лавозимга тайинланади  0 13:48Миш-мишларга қарамай, Маунт МЮни тарк этишни режалаштирмаяпти  2 13:20Илёс Зейтуллаев: "Самарқанддаги 3 очкони жамоавий ғалаба деган бўлардим"  1 13:02Мареска: "АҚШдаги об-ҳаво туфайли машқ қилиш деярли имконсиз"  0 12:34Раулнинг навбатдаги манзили Испания U-21 термаси бўлиши мумкин — музокаралар бошланди  0 12:07"Бавария" дортмундликлар юлдузини сотиб олмоқчи  0 11:39"Манчестер Сити" ҳимоячисининг дисквалификацияси узайтирилди  4 11:19Суперлига. 14-тур ҳакамлари маълум: "Насаф" – "Пахтакор" учрашувини Тўхтасинов бошқаради  23 10:40"Тоттенхэм" 20 ёшли япониялик футболчининг трансфери бўйича келишувга эришди  1 10:04Шаҳбоз Умаров “Турон“ билан хайрлашди. Унинг кейинги жамоаси водий клуби бўлиши мумкин  7 09:33Шомуродовга А Серия жамоасидан таклиф бор  13 09:02Пролига. Бугун марказий учрашув бўлиб ўтади  1 08:31“Рома“ Шомуродовни қанчага сотишни режа қилгани маълум  8 08:03Клублар ўртасидаги ЖЧ. “Интер Майами“ иштирок этган гуруҳдан кейинги босқичга йўл олганлар маълум  30 07:25Суперлига. "Қалдирғоч"лар Абрамов жамоасини йирик ҳисобда мағлуб этишди, Абдухолиқовдан дубл  0

"8+3". Аброр Имомхўжаев — Месси, Марадона ва Миржалол Қосимов ҳақида (15-сон) News

"8+3". Аброр Имомхўжаев — Месси, Марадона ва Миржалол Қосимов ҳақида (15-сон)

Championat.asia'да "8+3" рукни давом этади.

Бу гал яқиндагина Championat.asia сайтида да фаолият бошлаган таниқли журналист Аброр Имомхўжаев билан суҳбатлашдик. У кишига футболга оид 8, футболдан ташқари 3та савол билан мурожаат қилдик. 

- Сиз ўйинларини бевосита кузатган энг кучли футболчи ким?

- Лионель Месси.

- Сиз кўрган энг чиройли гол қайси?

- Голлар деб ўзгартирайлик шу саволни. Сабаби, улар битта эмас: Диего Марадонанинг ЖЧ-1986да Англия терма жамоасига урган голи (қўли билан эмас, майдон марказидан бошлаган рейди), Роберто Карлоснинг Франция терма жамоасига жаримадан урган голи, Миржалол Қосимовнинг Нигерия терма жамоаси дарвозасига урган голи. 


- Футбол оламида бошқалардан мутлақ ажралиб турадиган шахс ким?

- Аввал - Диего Марадона эди, ҳозир - Криштиану Роналду.

- Ўзбекистон терма жамоасини бошқарган энг кучли мураббий ким?

- Миржалол Қосимов.

- Нечанчи йиллардаги терма жамоамиз барча даврларнинг энг кучлиси эди?

- 1994-йилдаги Ўзбекистон терма жамоаси кучли эди.

- Сизнингча, бугун ўзбек футболининг қайси жиҳатлари танқидга лойиқ?

- Майдонлар аҳволи ва болалар футболидаги қинғир ишлар.

- Аёллар ва футбол. Бунга қандай қарайсиз?

- Ижобий қарайман. Агар эътибор кучайтирилса, биз Осиёда энг етакчилардан бирига айланишимиз мумкин.

- Ўзингиз ўйинларини кузатган футболчилар орасидан рамзий жамоа тузиб беринг (11 ўйинчи + мураббий, жаҳон ва ўзбек футболи аралаш).

- Аралаш қила олмайман, сабаби унда ўзбек футболчилари кирмай қолиши мумкин. Алоҳида жаҳон ва Ўзбекистон терма жамоаларини тузиб беришим мумкин.

Жаҳон терма жамоаси: Буффон  - Мальдини, Беккенбауэр, Пуйол, Карлос – Бекхэм, Платини, Зидан – Роналду, Марадона, Месси. Мураббий Ринус Михелс.

 Ўзбекистон терма жамоаси: Бугало – Билолов, Магометов, Аширов, Г.Денисов – Қосимов, Пятницкий, Ан, Аҳмедов – Фёдоров, Хадзипанагис. Мураббий Рустам Акрамов.

- Ҳаётдаги кумирингиз ким?

- Мен ҳеч кимни илоҳийлаштирмаганман.

- Ўзингизга ёқмаган тарафингиз қайсилар? Камчиликларингиз...

- Раҳматли онам “агар сал эгилишни билганингда, аллақачон вазир бўлардинг” дердилар. Тилим аччиқ ва гап келганда ҳеч кимни аямайман. Бунинг оқибатида кўп панд еганман. Энг катта камчилигим – дангасаман.

- Ҳаётингизнинг бурилиш нуқтаси сифатида қайси воқеани эслайсиз?

- 1992 йил ўзбек журналистларидан биринчи бўлиб АҚШга борганман. Унгача Тюмень ўрмонларидан бошқа ҳеч нимани кўрмаганим инобатга олинса, мен бир тизимда ва бир ҳилликда улғайган оддий совет кишиси эдим. АҚШ сафаридан кейин дунёқарашим бутунлай ўзгарган...

"8+3". "Терма жамоа ҳеч қачон кучли бўлмаган, энг яхши мураббий эса Рауф ака..." (14-сон)

Rating: +11   

Comments

championat.asia
< show latest news
Яндекс.Метрика