Latest news

23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  1 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  0 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  7 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  38 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9 15:18Бунақаси Месси фаолиятида биринчи марта юз берди  22 14:43Воҳа дербиси олдидан "Машъал"да катта йўқотишлар  5

6 йил аввал Гарет Бэйл "Барселона"га ўша машҳур голни урганди: Тезлигини 35 км/соатга етказиб, Бартрадан қочиб кетган эди News

6 йил аввал Гарет Бэйл "Барселона"га ўша машҳур голни урганди: Тезлигини 35 км/соатга етказиб, Бартрадан қочиб кетган эди

Ҳа, ўша Испания Кубоги финали.

Гарет Бэйл фаолияти давомида кўплаб чиройли голлар урган, аммо улар орасидаг энг машҳури - 2014 йил Испания Кубоги финалида "Барселона" дарвозасига урилгани.


Ўйин охирларида ҳисоб 1:1 эди, "Барса" Ди Мариянинг биринчи бўлимда урган голига 68-дақиқада Марк Бартранинг зарбаси билан жавоб қайтарганди.

Асосий вақт якунланишига 5 дақиқа қолганида Фабиу Коэнтрау тўпни Гарет Бэйлга узатди. Гарет уни ўзига тўғирлаб, тўпни олдинга ташлади ва аут чизиғи бўйлаб югурди. Марк Бартра ортда қолганидан сўнг Хосе Пинто дарвозасини ишғол қилиш керак эди ва 100 млн. еврога харид қилинган футболчи вазифани уддалади.


2:1, Испания Кубоги Мадридга кетди.


"Ҳа, "Барселона" дарвозасига урган голим фаолиятимдаги энг муҳими бўлса керак" - деганди Бэйл ўйиндан кейин.


Ўша онда уэльсликнинг тезлиги - 34,7 км/соат бўлган. Гарет умумий ҳисобда 7,04 сония ичида 59,1 метрни босиб ўтди. Футболчи бунинг учун 85-дақиқада 30та йирик қадам ташлашига тўғри келди.


"Бэйлнинг голи ҳайратланарли! Бунақасини олдин кўрмаганман. Тўп майдондан чиқиб кетди деб ўйлагандим, Гарет эса чизиқ ташқарисида югурди... Даҳшат!" - деганди Хаби Алонсо.


Айнан ўшанда кўпчилик 100 млн. евро бекор кетмагани ҳақида гапиришган. Бир ойдан сўнг у бошқа финалда гол урди. Унинг бош билан берган зарбаси "Реал"га Чемпионлар лигасининг 10-совринини тақдим этди.


Бу гол Марк Бартра учун шахсий трагедия

Эпизоднинг бошқа муҳим қаҳрамони - "Реал" ҳужумчисига ета олмаган ҳимоячи Марк Бартра.


Марк Жерар Пике жароҳати туфайли таркибга кирганди. Бироқ ёш ҳимоячининг ўзи ҳам финалгача бир ҳафта давомида жароҳатини даволаган эди.


"15 дақиқа ичида қаҳрамондан ахлатга айландим. Ўша учрашувда гол ургандим ва бу баҳс фаолиятимдаги энг яхшиларидан бири бўлади деб ўйлагандим. Бэйлдан бундай зарба қабул қилиш оғир. У жуда тез эди" - деганди Бартра 2020 йил Икер Касильяс билан суҳбатда.


22 ёшли ҳимоячини жамоадошлари ва ҳатто ҳакам овутишга уринди: Антонио Матеу Лаос футболчи олдига келиб, хафа бўлмаслигини айтди. Аммо Марк учун яна бир қайғули жиҳат бор эди - трибунада ўтирган Висенте дель Боске ЖЧ-2014 учун футболчиларни кузатаётганди.

"Менга ўйинга Дель Боске келганини айтишди. Бу жиддий зарба бўлди. Бэйл мен билан қилган ишидан сўнг, терма жамоада ўйнаш орзуим тугаганини тушундим". Бартра ҳақиқатдан ҳам мунидалга бормаган.

Rating: +9   

Comments

championat.asia
< show latest news
Яндекс.Метрика