6 қаватдан тушган шахс 3 аргентиналикни жароҳатлади, ўзи эса вафот этди

16 июнь куни соат 22:00 атрофида Васильевск кўчасидаги кўп қаватли уйларнинг биридан бир киши тушиб кетди. Маълум бўлишича у 6 қаватдан йиқилган. Бу шахс Аргентина ўйинидан қайтаётган жанубий америкалик мухлислар устига тушган. Гувоҳларнинг сўзларига кўра, йигит йиқилишидан аввал ойнадан туриб ҳақоратли сўзларни айтган ва мувозанатни ушлай олмай, пастга йиқилган.

Зарбадан 3 аргентиналик учиб кетган. Уларнинг фақат бири ўрнидан тура олди. Шифокорлар шикастланган уч кишини касалхонага ётқизишди, Деразадан тушиб кетган шахс эса кеча вафот этди. Жароҳатланганлар аста-секин оёққа туришмоқда ва Аргентина терма жамоасининг навбатдаги ўйинигача соғайиб кетишга умид қилишяпти. Воқеадан сўнг полиция вафот этган шахснинг уйига киришган ва хонадондан ёшлар кийими, ёқилган аммо интернети йўқ компютер ва стол устида дорилар топишган.