2019 йилги Осиё Кубоги БАА ёки Эронда бўлади

Айни кунларда ОФК 2019 йилги чемпионатни қаерда ўтказиш борасида бир тўхтамга келиш ишлари билан банд.

ОФК бош котиби Алекс Сусей берган интервьюсида катта эҳтимол билан навбатдаги қитъа чемпионати БААда ўтиши мумкинлиги ҳақида тўхталган. У айни пайтда БАА Осиё Кубогини ўтказишга ҳар тарафлама тайёр эканлигини билдирган. Эрон эса 2-даъвогар бўлиб турибди. Араб минтақасида охирги йилларда футболга катта эътибор берилаётгани ва ОФКнинг маркетинг ҳамкори ҳисобланган "World Sport Group" компанияси билан шартномаларга эга бўлгани сабабли БАА варианти маъқул кўрилиши эҳтимоли катта. Қолаверса, бу мухлисларга ҳам қулайлик туғдиради. Чунки ушбу мамлакатда бир шаҳардан иккинчисига етиб бориш кўп вақтни олмайди.

Якуний қарор март ойида қабул қилиниши режалаштирилган.