2-лига. "Бунёдкор" сўнгги дақиқаларда ғалабани қўлдан чиқарди

Биринчи турдаги ғалабадан кейин мағлубиятлар гирдобига тушиб қолган «Бунёдкор» кеча ғалабага жуда яқин келган эди. «Young Boys»га қарши ўйинда дарвозаларга 4та гол киритилди. Жамоалар бўлимларда биттадан гол уришди. Аввалига меҳмонлар пенальтидан ҳисобни очган бўлса, танаффус арафасида вакилларимиз ҳисобни тенглаштиришди. Танаффусдан сўнг Қаҳрамон Абдуқодиров шогирдлари меҳмонлар дарвозасини иккинчи марта ҳам ишғол қилди. Бироқ мағлубиятни ғалабага айлантирган футболчиларимизга ҳисобни ушлаб қолиш насиб қилмади. Ҳакам томонидан қўшиб берилган дақиқаларда меҳмонлар иккинчи голни киритиб, «Бунёдкор»ни икки очкодан маҳрум қилди.

ТОШКЕНТ ШАҲАР ЧЕМПИОНАТИ. 5-ТУР
«БУНЁДКОР» - «YOUNG BOYS» - 2:2 (1:1)
29 апрель. Тошкент. «Бунёдкор» академияси майдони. 35 томошабин.
Бош ҳакам: Фаррух Йўлдошев.
Қанот ҳакамлари: Александра Кончикова, Кристина Борисова.
Назоратчи: Олег Дачев.
«Бунёдкор»: Маҳмудхон Одилхонов, Шамсиддин Амиртемуров, Илҳом Убайдуллаев, Асадхўжа Қорахўжаев (А.Аҳмедов, 66), Обид Толипов, Шердор Тўхтасинов, Жавоҳир Абдуқодиров (Элхан Аҳмедов, 58), Сардор Турғунбоев, Жавлон Анваржонов, Анвар Маматов (И.Зоиров, 78), М.Баҳодиров.
«Young Boys»: Александр Боровиков (Ихтиёр Бахтиёров, 62), Ализат Уразов, Жаҳонгир Икромов (Низом Султонов, 66), Ғанишер Бурхонов, Ойбек Маҳмудов, Ислом Фозилжонов (Фазлиддин Раззоқов, 79), Нодир Саъдуллаев, Беҳзод Аҳатов, Шаҳбоз Ёқубжонов, Бахтиёр Янгибоев, Жамшид Абдуллаев.
Голлар: Шаҳбоз Ёқубжонов, 17-пенальтидан – 0:1. М.Баҳодиров, 30 – 1:1. Анвар Маматов, 55 – 2:1. Нодир Саъдуллаев, 90+3 – 2:2.