Latest news

21:45Баҳром Ҳайдаров: "Ҳар бир жамоага ҳурмат билан қараймиз"  0 21:24Ўзбекистон кубоги плей-офф босқичининг барча иштирокчилари аниқ. Қуръа қачон ўтказилади?  0 20:45Ўзбекистон Кубоги гуруҳ босқичи якунланди. "Олимпик Мобиуз" кейинги босқичга йўлланма олди (бугунги натижалар)  6 20:23"Арсенал" Родриго билан музокараларни бошлади  5 19:48Ўзбекистон Кубоги. "Локомотив" 6 очко тўплаган бўлсада гуруҳда қолиб кетди, "Қўқон-1912" ва "Қизилқум" кейинги босқичда  7 18:45Франция терма жамоасига чақирилганлар рўйхати эълон қилинди  9 18:27"Футбол олами". Олмалиқда триллер, "Навбаҳор", "Пахтакор" ва "Насаф"нинг сафардаги ғалабалари — 10-тур ҳақида батафсил   2 17:13Жаҳон чемпионати бошланди. Бугун Ўзбекистон ўйнайди  4 16:57АПЛнинг жорий мавсумдаги энг ёмон трансферлари эълон қилинди (ТОП 10)  2 15:48Роналдунинг фитнес-браслети унинг биологик ёши 29да эканини кўрсатди: "Демак, яна 10 йил ўйнайман"  12 15:14Европа лигаси финали учун превью: "Тоттенхэм" - "Манчестер Юнайтед"  7 14:22МЮ ва "Тоттенхэм" мухлислари Бильбаодаги Европа лигаси финали олдидан Сан-Себастьянда муштлашишди  5 13:40Марказий Осиё. Қозоғистон ва Қирғиз Республикасида пешқадам ўзгарди, "Истиқлол" мағлубиятга учради, "Аркадағ" эса...  5 13:23Дель Пьеро мураббийлик лицензиясини олди: "Бугундан бошлаб мени "мистер" деб аташингиз мумкин"  7 12:21Агар МЮ Европа лигасида ғалаба қозонса Делап "қизил иблислар"га ўтади  9

16 клуб иштирокидаги Суперлига формати юзасидан ПФЛнинг режаси News

16 клуб иштирокидаги Суперлига формати юзасидан ПФЛнинг режаси

2025 йилги мавсумдан бошлаб Суперлига ғолиблиги учун 16 клуб кураш олиб боради. Бу эса табиийки ўйинлар сонинининг ошишига олиб келади.

2019 йилдан буён Суперлигада 14 клуб иштирок этиб келаётган бўлиб, мусобақада ўйинлар сони 182 тани ташкил этаётганди. Келаси мавсумдан бошлаб эса ўйинлар сони 240 тага етади. Яъни, ҳар бир клуб 15 тадан уй ва сафар учрашувида майдонга тушади. Мамлакат кубоги учрашувларини ҳам қўшиб ҳисобласа, Суперлиганинг халқаро майдонда иштирок этмаётган жамоаси учун мавсум давомида минимум 33 та расмий ўйин кафолатланади.




ПФЛ режасига кўра, Суперлигада 16-ўрин билан кифояланган клуб Пролигага тушиб кетади. 12-15-ўринлар эса мусобақадаги ўрнини сақлаб қолиш учун плей-офф ўйинларида иштирок этади. 12-ўринда бораётган жамоанинг ҳам хавф остида бўлиши совринли ўринлар учун курашдан чиқиши мумкин бўлган таҳминан 6 тадан 10 тагача клубни мавсум давомида хушёр бўлишга ундаши мумкин.

Плей-офф ўйинлари финалдек ўтиши учун одатга кўра ҳар бир тўқнашув фақат бир мартадан ўтказилади. Унинг биринчи босқичида мавсумни 15-ўринда якунлаган клуб 12-жамоа майдонига сафар этади, шунингдек, 13-ўриндан жой олган жамоа 14-жамоани ўз уйида қабул қилади. Яъни, мавсумни нисбатан юқорироқ ўринда якунлаган жамоанинг имконияти бироз кўпроқ бўлади. Аммо якунда плей-офф иштирокчилари орасида нисбатан яхшироқ позицияда турган клуб ҳам Суперлига билан хайрлашиши мумкинлигини ҳисобдан чиқармаслик керак.

Биринчи босқич ғолиблари Суперлигадаги ўрнини сақлаб қолади. Мағлуб клублар эса иккинчи босқичда ўзаро майдонга тушади. Беллашув мавсумни юқорироқ ўринда якунлаган жамоа майдонида ўтказилади. Иккинчи босқични ҳам мағлубият билан якунлаган жамоа плей-оффнинг сўнгги босқичини Про Лиганинг иккинчи жамоаси майдонида ўтказади.




Суперлига иштирокчилари сонининг 16 тага етказилиши лицензиялаш талаблари билан боғлиқ ҳисобланади. Яъни, ўтган 5 йил давомида ПФЛ айнан мана шу сабаб туфайли 16 талик формат таклифига қарши чиқиб келган. Аммо сўнгги икки мавсум якунига кўра Ўзбекистон ОФК лицензиялашида фаоллик кўрсатди ва бугунга келиб 19 та клуб ОФК лицензиясига эга бўлди.

Суперлига учун плей-офф ўйинларини Суперлига иштирокчилари бошлаб бераётгани ҳам бежизга эмас. Боиси, мусобақада клублар сонинининг 16 тага етказилиши Пролигада лицензиялаш билан боғлиқ айрим муаммоларни келтириб чиқаради. Шу сабабдан плей-офф ўйинларига Пролиганинг бир нечта клубини жалб этишга ПФЛ ҳозирча тайёр эмас. Шундан келиб чиқиб, 2025 йилги мавсумни Про Лига ғолиби сифатида якунлаган жамоа Суперлигага тўғридан-тўғри йўлланма олса, мусобақанинг иккинчи жамоаси яримта йўлланмани бутун қилиш учун плей-офф ўйинларида иштирок этишига тўғри келади.

ПФЛ шу ва бошқа режаларни тез орада ўтказиладиган ЎзПФЛ Ижроия қўмитаси йиғилишида ҳимоя қилади.

Rating: +8   

Comments

championat.asia
< show latest news
Яндекс.Метрика