12 йиллик танаффусдан сўнг австралиялик футболчилар Олимпиада йўлланмасини қўлга киритди
25 jan 2020 19:55
News

12 йиллик танаффусдан сўнг австралиялик футболчилар Олимпиада йўлланмасини қўлга киритди

Бироз олдин, 23 ёшгача футболчилар ўртасидаги қитъа биринчилигининг учинчи ўрин учун баҳси Ўзбекистон ҳамда Австралия олимпиячилари ўртасида бўлиб ўтди.

Баҳс якунига кўра, “кенгурулар юрти” футболчилари Николас Д'агостино томонидан киритилган ягона гол эвазига ғалаба қозониб, мусобақа бронза медали ҳамда Токио-2020 Олимпиада йўлланмасини қўлга киритди.

Австралия 12 йиллик танаффусдан кейин яна тўрт йилликнинг нуфузли мусобақасига йўл олди. Аввалроқ, ушбу жамоа 5та (1992, 1996, 2000, 2004, 2008) Олимпиадада иштирок этганди.

Шунингдек, Австралия ОФКга аъзо бўлган йилидан бошлаб илк бор Олимиадага чиқди ва улар бўлажак нуфузли мусобақада биринчи маротаба Осиё номидан қатнашади.