06 feb 2019 10:31

"Пахтакор" ярим ҳимоячиси ва Абрамов "Бухоро"да

Receive latest football news directly on your phone. Subscribe for our Telegram channel!

Янги мавсум ҳозирликлари доирасида илк йиғинни Тошкентда 18-30 январь кунлари ўтказкан “Бухоро” жамоаси аъзоларига 3 кун дам берилган эди.

Навбатдаги йиғин эса 3 февралдан бошлаб Тошкентда давом эттирилмоқда. Бухороликлар бу сафар 15 февралга қадар пойтахтда машғулотлар олиб боришади.

Куни кеча жамоа футболчилари Республика илмий-амалий спорт тиббиёт марказида тиббий кўрикдан ўтишди. Жамоа сафига охирги мавсумларни “Пахтакор” жамоасида ўтказган ярим ҳимоячи Достон Иброҳимов келиб кўшилди. Бундан ташқари "Бухоро" йиғинига уч нафар россиялик легионер футболчилар келиб қўшилишди. Булар марказий ҳимоячи Азамат Дзоблаев, ўнг қанот ярим ҳимоячиси Николай Абрамов ва ҳимоячи Артём Кулеша. Бу футболчилар ҳозирча "Бухоро" сафида кўрикдан ўтишади. Агар уларнинг ҳаракатлари мураббийлар штабига мақул келса, бу футболчилар мавсумни жамоа сафида ўтказиши мумкин.

Йиғин давомида бир неча назорат ўйинлари ўтказиш режалаштирилган. Жумладан, бугун “Андижон”, 9 февраль куни “Бунёдкор” ва 12 февраль куни “Динамо”га қарши майдонга тушилади.