Темурхўжа Абдухолиқов: "Насаф"га қарши босим остида ўйнадик"
01 дек 2016 19:14
Янгиликлар

Темурхўжа Абдухолиқов: "Насаф"га қарши босим остида ўйнадик"

Теглар : Локомотив Темурхўжа Абдухолиқов

Кеча Самарқанд шаҳрида Ўзбекистон кубоги финал учрашуви бўлиб ўтди. Унда Тошкентнинг "Локомотив" клуби Қаршининг "Насаф" жамоаси билан беллашди.

Учрашувда "темирйўлчилар" ягона гол эвазига "аждарлардан" устун келди. Ушбу баҳсдан сўнг "Локомотив" клуби футболчиси Темурхўжа Абдуҳолиқов ўйин ҳақида ўз фикрлари билан ўртоқлашди.

"Насаф" жамоасига қарши жуда ҳам қийин учрашув бўлди, босим остида ўйин ўтказдик. Сўнгги ҳафтада жуда ҳам қийин бўлган учта баҳсни ўтказдик. "Насаф" бизга қараганда бироз тетикроқ кўринди. Бизда бироз чарчоқ аломатлари бор эди. Ўйин қийин бўлган бўлсада олдимиздаги вазифани бажардик. Ғалабада бутун жамоани ҳиссаси бор", - дейди "Локомотив" клуби футболчиси Темурхўжа Абдуҳолиқов.

Жаҳонгир Сотволдиев

Ҳавола :

Манба : championat.asia

Янгиликларни Телеграмда ўқинг!

Рейтинг: +4