Расмий хабар: Александр Волков "Шўртан"ни тарк этди

"Шўртан" матбуот хизматининг айтишича, Александр Волков номаълум сабабларга кўра жамоа билан хайрлашишга қарор қилган. Мураббий кеча "Обод"га қарши назорат учрашувидан сўнг, меҳмонхонадан нарсаларини йиғиштириб, кутилмаганда клубдагилар билан хайрлашган. Унга "Навбаҳор"дан таклиф тушгани айтилмоқда. Демак, яқин орада Волков яна "лочинлар" сафига қайтади ва жамоада жисмоний тайёргарлик бўйича иш олиб боради. "Шўртан" раҳбарияти эндиликда бошқа мутахассисларнинг номзодлари билан танишиб чиқмоқда ва яқин орада бир тўхтамга келинади. Ҳозирча вақтинчалик машғулотлар Зоир Тўрақулов бошчилигида ўтказилинади. Шунингдек тайёргарлик режасига ҳеч қандай ўзгартириш киритилмайди.