“Ўзимизнинг Ахбор ака” номли тақдимот маросимига "CA" ўқувчиларини таклиф этамиз!
23 мар 2016 14:32
Янгиликлар

“Ўзимизнинг Ахбор ака” номли тақдимот маросимига "CA" ўқувчиларини таклиф этамиз!

Шу вақтга қадар “Футбол — қувончим, дардим, фахрим”, “Мафтунингман футбол”, “Ўзбегимнинг Миржалоли” каби китоблари нашрдан чиққан ўзбек спорти журналистикасининг отахони Ахбор Имомхўжаев, “Бир асрлик футболдаги қадрдонларим ҳақида” номли янги китоб ёзиш ишлари билан банд.

Бунга қадар эса ёзувчи Ҳамрохон Мусурмонованинг “Ўзимизнинг Ахбор ака” номли янги китоби босмадан чиқди. Таниқли спорт шарҳловчисининг 80 ёшли юбилейига атаб ёзилган китобда Ахбор доданинг ҳаёт йўли ва фаолияти ҳикоя қилинади.

26 март, шанба куни Ўзбекистон миллий паралимпия қўмитасида мана шу китобнинг тақдимот маросими бўлиб ўтади. Унда китоб муаллифи Ҳамрохон Мусурмонова, унинг қаҳрамони Ахбор Имомхўжаев ҳамда унинг яқинлари, таниқли спорт журналистлари иштирок этиши кўзда тутилган.

Тадбирда устоз журналист, бугунги кунда футбол ОАВда фаолият юритаётган журналистлар учун ўзларининг қимматли маслаҳатларини ҳам берадилар. Шунинг учун тадбир барча учун очиқ.

Истардикки, унда сайтимиз ўқувчилари ҳам фаол иштирок этсалар. Китобдан харид қилиб, устознинг босиб ўтган йўлларини мутола қилсалар.

Соат 11:00 да бошланадиган тақдимотга футбол мухлислари ҳам ташриф буюришлари мумкин. Истовчилар янги китобни шу ернинг ўзидан харид қилиш имкониятига эга бўлишади.

Қимматли инсон учун атаб ёзилган китоб, жуда арзон, бор йўғи 12 000 сўм. Китобни воқеа жойидан, устознинг дастхатлари билан ҳарид қилишга нима етсин? Сайтимиз ўқувчиларини тадбирга таклиф этамиз!

Манзил: Ўзбекистон миллий паралимпия қўмитаси
Мўлжал: Бешёғоч, Бокс федерацияси ёнида.

Ҳавола :

Манба : championat.asia

Янгиликларни Телеграмда ўқинг!

Рейтинг: +10