Ўзбекистоннинг 2016 йилдаги энг яхши мураббий ва футболчиси аниқланди

Олий лига мураббийлари ҳамда жамоа сардорларининг овозлари асосида ўтказилган сўровномада уч йўналишда энг яхшилар аниқланди.

ОЛИЙ ЛИГАда ўйнаётганлар орасида "ЭНГ ЯХШИ ФУТБОЛЧИ" деб Тошкентнинг "Локомотив" клуби ҳужумчиси ТЕМУРХЎЖА АБДУХОЛИҚОВ тан олинди. Футболчи 2016 йилги мавсумда олий лигада 22та гол уриб чемпионат тўпурарига айланди. Ўз клуби билан бирга Ўзбекистон чемпиони бўлди, Ўзбекистон кубоги соҳибига айланди ҳамда Осиё чемпионлар лигасида чорак финалга қадар етиб борди.

Темурхўжа Абдухолиқовга кимлар овоз берганини қуйидаги ҲАВОЛА орқали билиб олиш мумкин.  




"Локомотив" клуби устози МИРКО ЙЕЛИЧИЧ Ўзбекистоннинг 2016 йилдаги "ЭНГ ЯХШИ МУРАББИЙИ" деб топилди. Сербиялик мураббий жамоани Ўзбекистон чемпионлигига олиб келди ва Ўзбекистон кубоги соҳибига айлантирди.

Мирко Йеличичнинг энг яхши бўлишига кимлар хисса қўшди? Қуйидаги ҲАВОЛАда сўровнома натижалар билан танишинг.





ЎЗБЕКИСТОННИНГ 2016 йилдаги "ЭНГ ЯХШИ ФУТБОЛЧИСИ" деб Ўзбекистон терма жамоаси ва Россиянинг "Краснодар" клуби ярим ҳимоячиси ОДИЛ АҲМЕДОВ тан олинди. Футболчи сўровномада 82 балл тўплаб таъқибчиларидан анча илгарилаб кетгани эътиборга молик.

Одил Аҳмедовга қайси мураббий ёки сардорлар овоз берганини қуйидаги ҲАВОЛАда билиб олиш мумкин.




"Дўппи" танловига 2014 йилда асос солинган бўлиб, унда Ўзбекистон клубларида фаолият олиб бораётган мураббий ва футболчиларнинг овозлари орқали ғолиб аниқланади. Ўтган йилларда фақат йилнинг энг яхши мураббийи ва энг яхши футболчиси аниқланган бўлса, 2016 йилдан учинчи йўналиш - "Олий лиганинг энг яхши футболчиси" ҳам аниқланиш йўлга қўйилди.

Нима учун бу совринга "Дўппи" деб ном берилгани кўпчиликка қизиқ бўлиши мумкин. Дўппи аввало Ўзбекистоннинг миллий бош кийими ҳисобланади, қолаверса, аксарият вилоятларда футбол тўпини "дўппи" деб аташади. Шу икки жиҳатни инобатга олган ҳолда, совринга шундай ном берилган.

Сайтимизнинг Instagram даги саҳифаси - instagram.com/championat.asia