Кейруш Эрон термаси йиғинидан 7 футболчини Теҳронга қайтариб юборди
06 янв 2017 15:23
Янгиликлар

Кейруш Эрон термаси йиғинидан 7 футболчини Теҳронга қайтариб юборди

Эрон терма жамоаси бош мураббийи Карлуш Кейруш Эрон терма жамоасининг Дубайдаги йиғинидан 7 футболчини Теҳронга жўнатди.

"Персеполис" устози Бранко Иванкович терма жамоа аввалдан режалаштирилмаган йиғин сабабли 7 нафар ўйинчисининг жалб этилганидан норозилиги таъкидлаб ўтганди. Дубайга етиб боргандан кейин Кейруш ушбу клуб аъзоларини Теҳронга жўнаб кетишлари мумкинлигини билдирган.

Шу билан бирга терма жамоа назорати остида бўлмаган футболчилар бошқалардан камроқ имкониятга эга бўлиши ҳақида маълум қилган. Шу тариқа Алиризо Бейранванд, Рамин Ризоиян, Саид Ҳуссайни, Муҳаммад Ансари, Воҳид Амири, Камол Камябиния ва Меҳди Таромилар яна клуб ихтиёрига қайтган.