Игорь Сергеев Бурак Йилмаз билан бир жамоада ўйнайди
06 июл 2016 10:35
Янгиликлар

Игорь Сергеев Бурак Йилмаз билан бир жамоада ўйнайди

Хабар бериб ўтганимиздек, "Пахтакор" ҳужумчиси Игорь Сергеев Хитойнинг "Бейжинг Гоан" клубига кўчиб ўтди.

Тасдиқланмаган маълумотларга кўра, Сергеев олти ойлик ижара асосида янги клуби билан шартнома имзолаган. Агар мана шу олти ой ичида ҳужумчи ўзини кўрсата олса, шартнома муддати узайтирилиши мумкин.

Хитой чемпионатида ҳам худди биздаги каби 16та жамоа иштирок этади ва мусобақа Суперлига деб номланади. Сергеев кўчиб ўтган "Бейжинг Гоан" 15та учрашувда 20 очко тўплаган ҳолда 8-ўринни эгаллаб турибди. Жамоа навбатдаги турни ўз майдонида 9 июль куни "Тиянжин Теда"га қарши ўтказади. Мана шу ўйинда Сергеев ўз дебютини нишонлаши мумкин.

Мухлисларимизга яхши маълум, мазкур клубда яна бир ҳамюртимиз Егор Кримец ҳам фаолият олиб бормоқда. Эндиликда Игорь Сергеев ҳам шу жамоада ўзини синаб кўради. Яна бир маълумот шуки, "Бейжинг Гоан"нинг ҳужум чизиғида туркиялик ҳужумчи Бурак Йилмаз тўп тепади. Сергеев асосий таркибга кириш учун жиддий кураш олиб боришига тўғри келади ёки бўлмаса иккаласи тандем сифатида ҳаракат қилади.

Ҳавола :

Манба : championat.asia

Янгиликларни Телеграмда ўқинг!

Рейтинг: +23