Акмал Шораҳмедов "Бунёдкор"дан кетди, "Насаф" унга форма тайёрлаб қўйган
06 янв 2017 20:56
Янгиликлар

Акмал Шораҳмедов "Бунёдкор"дан кетди, "Насаф" унга форма тайёрлаб қўйган

Тошкентнинг "Бунёдкор" клуби ҳимоячиси Акмал Шораҳмедов фаолиятини бошқа жамоада давом эттиради.

Тажрибали футболчи 2011 йилдан буён "қалдирғочлар" шарафини ҳимоя қилиб келаётган эди. Бироқ мураббий билан келишмовчилик туфайли жамоадан кетадиган бўлди.

Футболчи катта эҳтимол билан фаолиятини Қаршининг "Насаф" клубида давом эттиради. Маълумотларга кўра, "аждарлар" аллақачон ҳимоячи учун махсус форма ҳам тайёрлаб қўйган. Хабарингиз бор, кеча "Насаф"нинг ўнг қанот ҳимоячиси Шуҳрат Муҳаммадиев "Локомотив" клуби билан шартнома тузган эди.

Шораҳмедовга шунингдек, "Олмалиқ" клуби ҳам қизиқиш билдирмоқда.

Эртага "Насаф" хорижий йиғин ўтказиш учун Туркиянинг Анталия шаҳрига учиб кетса, "Бунёдкор" БААнинг Шаржа шаҳрига учади.

Ҳавола :

Манба : championat.asia

Янгиликларни Телеграмда ўқинг!

Рейтинг: +26