Филиппин - Ўзбекистон. Ўйин ўтадиган стадион ҳақида
06 сен 2015 18:54
Янгиликлар

Филиппин - Ўзбекистон. Ўйин ўтадиган стадион ҳақида

Ўзбекистон терма жамоаси 8 сентябрь куни Филиппин терма жамоасига қарши ўйин ўтказади.

Бу ўйин Булакан провинциясига қарашли Бокауэ муниципалитетида жойлашган "Филиппин Спортс" стадионида бўлиб ўтади.

20000 томошабинга мўлжалланган ушбу стадионнинг қурилиши 2011 йил ёзида бошланган ва 2014 йилнинг 21 июль кунида фойдаланишга топширилган.

Ушбу стадиондаги илк футбол ўйини 2015 йилнинг 15 апрель санасида ОФК кубоги доирасида Филиппиннинг "Глобал" ва Мьянманинг "Яданарбон" клублари ўртасида бўлиб ўтган.

Филиппин терма жамоаси бу стадиондаги дастлабки учрашувини шу йилнинг 11 июнь куни Баҳрайнга қарши ўтказди ва 2:1 ҳисобида зафар қучди. Ўша баҳсни томоша қилиш учун ўйингоҳга 6012 томошабин ташриф буюрганди.

"Филиппин Спортс" стадионида футболдан ташқари регби ўйини ва турли концертлар ўтказилади.

Ишонамизки 8 сентябрь куни мана шу стадионда Ўзбекистон терма жамоаси Филипинн устидан ғалабани тантана қилади.