"Turkish Holidays" мусобақасида пойтахтимиз жамоалари иштирок этмоқда

Айни пайтга келиб "Пахтакор" академияси тарбияланувчилари гуруҳда биринчи ўринни қўлга киритган ҳолда 1/4 финалда қозоғистонлик тенгқурларини 9:1 ҳисобида мағлубиятга учратиб ярим финал йўлланмасини қўлга киритди. У ерда ўсмирларимиз Москванинг "Химки" жамоасини 2:1 ҳисобида мағлубиятга учратишди. Эртага "Витяз" клубига қарши финал ўйини бўлиб ўтади. 

2004 йилда таваллуд топган футболчилар мусобақасида иштирок этаётган жамоалар:

"А" гуруҳи: "Химки" (Россия), "Ватан-2007" (Озарбайжон), МФМ (Россия)

"В" гуруҳи: "Витяз" (Россия), МФМ-2 (Россия), "Хамовники" (Россия)

"С" гуруҳи: "Ломокотив"-2 (Россия), "Витяз"-2 (Россия), "Пахтакор" (ЎЗБЕКИСТОН)

"Д" гуруҳи: "Локомотив" (Россия), "Олимп" (Россия), БЎСМ-2 (Қозоғистон)

2003 йилда таваллуд топган футболчилар мусобақасида иштирок этаётган жамоалар:

"А" гуруҳи: "БУНЁДКОР" (ЎЗБЕКИСТОН), "Бешиктош" (Туркия), "Хамовники" (Россия), "Ватан" (Озарбайжон)

"В" гуруҳи: "ЛОКОМОТИВ" (ЎЗБЕКИСТОН), "Буиукани" (Молдовия), "Гагра" (Абхазия), "Тагспорт" (Россия)

Афсуски "Бунёдкор"нинг ишлари юришмади. Жамоа фақатгина "Ватан" устидан 2:1 ҳисобда ғалаба қозонди, қолган иккита ўйинда мағлубиятга учради. "Локомотив" эса аксинча, 3та ўйинда 3та ғалабани қўлга киритди. Улар 1/2 финалда "Хамовники"га қарши баҳс олиб борадилар. Учрашув бугун бўлиб ўтади. 

Эртага "Пахтакор" финалда, "Бунёдкор" эса 5-6 ўринлар учун майдонга чиқади.