ОЧЛда неча ўринга эга бўламиз?
30 окт 2014 11:46
Янгиликлар

ОЧЛда неча ўринга эга бўламиз?

29 ноябрь куни ОФК қўмиталари йиғилиши бўлиб ўтади ва ўша куни 2015 йилда Осиё клублар мусобақаларида қайси мамлакатдан қанчадан жамоа иштирок этиши маълум қилинади.

Бунга ҳам бир ойдан кам вақт қолибди. ОФК ўрин ажратишда рейтингга эътибор қаратишини маълум қилган. Демак, қарор қабул қилишда қандайдир ўзгаришлар юзага келмаса, унда ҳозирнинг ўзида Ўзбекистон клубларига ажратилган ўринлар 95 фоизга аниқ бўлиб улгурган.

Ўзимиз иштирок этаётган минтақага эътибор қаратадиган бўлсак, Саудия Арабистони энг кўп балл тўплаган ҳолда биринчи ўринда кетмоқда. “Ал Ҳилол”нинг финалгача етиб келгани саудияликларга муҳим очколарни тақдим этди.

Шунингдек, Эрон ҳам Саудияга яқин жойлашган ва ушбу давлатлардан ОЧЛ гуруҳ босқичида 3, саралаш баҳсларида биттадан жамоа иштирок этади. Рейтингда 3 ва 4-поғонадаги мамлакатлардан 2 жамоа гуруҳ, яна 2 клуб саралаш ўйинларида қатнашиши белгиланган. Биз минтақада 3-ўриндамиз ва бу 2+2 йўлланмасини тақдим этиши лозим.

БАА эса Қатардан кичик фарқ билан олдинда бормоқда. Қатар ҳозирча 1+2 йўлланмасини қўлга киритиши мумкин. Ироққа эса 1+1 насиб этади. Қувайт, Иордания, Уммон, Баҳрайн, Ливан ва Суриянинг биттадан жамоаси ОЧЛ саралаш баҳсларида қатнашади.

Фаластин, Тожикистон, Афғонистон ва Туркманистонга ОФК Кубогида 1+1 йўлланмаси насиб этиши кутилмоқда. Юқорида биз ОЧЛ саралаш босқичида биттадан жамоага эга деб ёзган 6 давлатдан ҳам ОФК Кубогида иштирокчилар бўлади. 6 жамоа гуруҳ баҳсларидан қатнашишни бошласа, қолган йўлланма соҳиблари плей-оффдан кейин маълум бўлади. ОЧЛда эса 4 йўлланма тақдири саралаш учрашувларида ҳал этилади.

Шарқий минтақада Корея, Япония, Хитой, Австралия ўзларини таъқиб қилаётган Таиланд ва Вьетнамдан сезиларли фарқ билан олдинга ўтиб кетган. Шу давлатлар клублари ОЧЛда иштирокларини гуруҳ босқичидан бошлайди.

Ҳар икки минтақа рейтинг жадвалини ОЧЛ финалидан аввалги ҳолатини эътиборингизга тақдим қиламиз.

Жадвалга изоҳ:

Клуб очко - Давлат клубларининг ОЧЛ ва ОФК кубогидаги натижаларидан келиб чиқиб йиғилади.

МТЖ очко - Мамлакат терма жамоасининг ФИФА рейтингида эгаллаб турган ўрнидан келиб чиқиб йиғилади.

Жами очко - Юқоридаги икки критерий қўшилади.

1 - ОЧЛ гуруҳ босқичи учун йўлланма

2 - ОЧЛ плей-офф босқичи учун йўлланма

3 - ОФК кубоги гуруҳ босқичига йўлланма

4 - ОФК кубоги плей-офф боқичига йўлланма

№	Давлат	Клуб очко	МТЖ очко	Жами балл	1	2	3	4
2	Саудия Арабистони	70.000	19.071	88.268	3	1	-	-
3	Эрон	50.956	30.000	80.956	3	1	-	-
5	Ўзбекистон	35.707	26.679	62.385	2	2	-	-
6	БАА	35.781	22.125	57.906	2	2	-	-
9	Қатар	36.450	19.768	56.218	1	2	-	-
10	Ироқ	26.135	21.054	47.189	1	1	-	-
11	Қувайт	31.342	13.982	45.325	-	1	1	-
12	Иордания	21.126	23.250	44.376	-	1	1	-
14	Уммон	9.671	20.946	30.617	-	1	-	1
16	Баҳрайн	9.075	16.500	25.575	-	1	-	1
17	Ливан	12.349	13.179	25.527	-	1	-	1
19	Сурия	14.679	8.250	22.929	-	1	-	1
24	Фаластин	0.000	15.911	15.911	-	-	1	1
28	Тожикистон	0.298	11.464	11.762	-	-	1	1
29	Афғонистон	0.000	11.464	11.464	-	-	1	1
30	Туркманистон	0.000	10.554	10.554	-	-	1	1
32	Қирғизистон	0.298	8.464	8.762	-	-	-	1
35	Яман	1.934	3.321	5.256	-	-	-	1
36	Шри Ланка	0.000	4.071	4.071	-	-	-	1
37	Бангладеш	0.000	3.643	3.643	-	-	-	1
38	Непал	0.000	3.268	3.268	-	-	-	1
39	Покистон	0.000	2.732	2.732	-	-	-	1
46	Бутан	0.000	0.000	0.000	-	-	-	1
1	Корея	68.512	26.571	95.083	3	1	-	-
4	Япония	47.311	29.946	77.258	3	1	-	-
7	Хитой	38.013	19.768	57.780	2	2	-	-
8	Австралия	37.641	19.232	56.873	2	2	-	-
13	Таиланд	27.673	5.464	33.137	1	2	-	-
15	Вьетнам	16.663	11.143	27.806	1	1	-	-
18	Индонезия	18.151	6.911	25.062	-	1	1	-
20	Гонконг	14.283	5.839	20.122	-	1	1	-
21	Мьянма	7.216	11.089	18.305	-	1	-	1
22	Малайзия	11.010	7.179	18.188	-	1	-	1
23	Ҳиндистон	10.414	6.375	16.789	-	1	-	1
25	Мальдив	6.100	9.804	15.903	-	1	-	1
26	Сингапур	9.076	6.161	15.236	-	-	1	1
27	Филиппин	0.000	12.268	12.268	-	-	1	1
31	КХДР	0.000	9.000	9.000	-	-	1	1
33	Лаос	0.000	7.554	7.554	-	-	1	1
34	Гуам	0.000	5.946	5.946	-	-	-	1
40	Тимор Лесте	0.000	2.732	2.732	-	-	-	1
41	Макау	0.000	2.625	2.625	-	-	-	1
43	Камбоджа	0.000	2.464	2.464	-	-	-	1
42	Хитой Тайпейи	0.000	2.089	2.089	-	-	-	1
44	Мўғулистон	0.000	1.554	1.554	-	-	-	1
45	Бруней	0.000	0.804	0.804	-	-	-	1