Биринчи назорат учрашувида Албания ёшлари мағлуб этилди
18 авг 2014 05:13
Янгиликлар

Биринчи назорат учрашувида Албания ёшлари мағлуб этилди

Равшан Ҳайдаров бош мураббийлигидаги Ўзбекистон U-19 терма жамоаси Туркияда Албания U-19 ёшларига қарши иккита ўртоқлик учрашувини ўтказади.

Кеча ушбу назорат учрашувларидан дастлабкиси бўлиб ўтди.

12 август куни Тошкентда йиғинга киришган Ўзбекистон U-19 ёшлар терма жамоаси икки кунлик машғулотлардан сўнг йиғинни давом эттириш учун 15 август куни Туркиянинг Истанбул шаҳрига жўнаб кетган эди.

Кеча бўлиб ўтган учрашувда вакилларимиз 3:1 ҳисобида ғалабага эришди. Баҳсда ёш "қалдирғочлар" вакиллари томонидан киритилган голлар ёшлар терма жамоамизга ғалаба келтирди. Албаниянинг битта голига Забиҳилло Ўринбоев иккита , Хуршид Ғиёсов битта гол билан жавоб қайтарди.

Туркиядаги йиғин давомида Равшан Ҳайдаров шогирдлари 19 август куни Албания ёшлар терма жамоасига қарши иккинчи ўртоқлик ўйинини ўтказиши борасида келишиб олинган.

Эслатиб ўтамиз, Ўзбекистон U-19 ёшлар шу йилнинг 9-23 октябрь кунлари Мьянма мамлакатида ўтказиладиган Осиё Чемпионати баҳсларида иштирок этади.

Ҳавола :

Манба : championat.asia

Янгиликларни Телеграмда ўқинг!

Рейтинг: