Футзал. 3-тур. 2-кун. "Локомотив" – "Дўстлик AIN" 2:4 (+ фото)

Бунга қадар бўлиб ўтган 10та ўйиннинг барчасида зафар қучган "темирйўлчилар" кеча "Чирчиқ-Максам"ни мағлуб этган "Дўстлик AIN"га ютқазиб қўйишди - 2:4

Локомотив – Дўстлик-AIN 2:4
Голлар: Фаҳриддин Самегов 14, Фарҳод Мирахмедов 26 - Жасур Ўрунов 6, 19 Алишер Ибрагимов 19, 40.
“Локомотив”: Муродхўжа Азаматов, Константин Свиридов, Андрей Шлёма, Фарход Мирахмедов, Олег Холмуҳамедов, Фаҳриддин Самегов, Фурқат Азизов, Даврон Чориев, Зафар Азаматов, Дониёр Усмонов, Аббосжон Пўлатов, Олег Тукмаков, Ислом Комолжонов.
“Дўстлик-АИН”: Акмал Хазратқулов, Алишер Юсупов, Жасур Ўрунов, Дилмурод Тошматов, Алишер Ибрагимов, Шерзод Мустафоев, Шахбоз Аҳмедов, Улуғбек Мажидов.


Учрашувдан сўнг "Дўстлик-AIN" бош мураббийи Холбек Йўлдошев ўз фикрларини билдирди: "Ўйин ёмон бўлмади, рақиб кучли эди бироқ биз ғалаба қозона олдик. Футболчиларимнинг ҳарактидан тўла қониқиш ҳосил қилдим. "Локомотив"га кейинги ўйинларда омад тилайман".

- Кеча "Максам-Чирчиқ"ни, бугун "Локомотив"ни мағлуб этдинглар. Бироқ мавсум давомида 5та мағлубиятга учрагансизлар. Бунга сабаб нима?
- Ўша вақтда жамоада камчиликлар бор эди. Сафимизга янги ўйинчиларни қўшиб олдик. Таркибимиз тўлиқ Қашқадарё вилояти футболчиларидан ташкил топган. Футболчиларимизнинг тўрттаси жароҳат сабаб бу турда ўйнай олишмаяпти, шу боис захира ўриндиғимиз у қадар узун эмас.

Толибжон Қосимов.