Футзал. 3-тур. 2-кун. "Строитель-Зарафшон" – "Когон" 3:15 (+ фото)

Учрашувда катта ташаббусга эга бўлган бухоролик футзалчилар рақибни йирик ҳисобда таслим қилишди.  "Когон" сафида Фирдавсий Равшанов хет-трикка эришди.

"Строитель-Зарафшон" – "Когон" 3:15
Голлар: Шерзод Алижонов 5, Бекзод Низомов 30, Кенжамурод Турсунбоев 36 - Ойбек Абдурахмонов 3,  Дилшод Рахматов 7, 29, Фирдавсий Равшанов 15, 18, 32, Соҳиб Нарзуллаев 12, Фурқат Музаффаров 15, Жўрабек Аҳмедов 19, Шамшод Хайруллаев 20, 30, Илҳом Ҳамроев 24, Миршод Рўзиев 32, Улуғбек Рамазонов 35,
“Строител-Зарафшон”: Ислом Салимов, Азиз Ахтамов, Кенжамурод Турсунбоев, Шахрам Кулиев, Шерзод Алижонов, Достон Канатов, Бекзод Низамов.
“Когон”: Тўйчибой Бердиев, Шахзод Рамазонов, Миршод Рўзиев, Дилшод Рахматов, Фирдавсий Равшанов, Ойбек Абдурахмонов, Соҳиб Нарзуллаев, Улуғбек Рамазонов, Шамшод Хайруллаев, Фурқат Музаффаров, Жўрабек Аҳмедов, Илҳом Ҳамроев, Одил Ходиев.


"Стоитель-Зарафшон" - "Когон" (3:15) учрашувидан сўнг ғолиб жамоа устози Фурқат Ҳайруллаев ўз фикрларини билдирди: Бугунги ўйинда рақибдан устун эдик буни амалда исботлай олдик. "Строитель-Зарафшон" сафида футзалчилар кам эди. Уларнинг захирасида атига икки футболчи бор эди. Футзал тезкор ўйин, агар унда ўйинчилар кам бўлса жамоа тез чарчаб қолади.


Жамоа ҳужумчиси  Дилшод Рахматовни ҳам суҳбатга чорладик.

"Бугунги ўйин тан олиш керак қийин бўлгани йўқ. Ҳисобни ўзи буни айтиб турибди. Биз бу турга жуда яхши тайёргарлик билан келганмиз. Кеча "Ардус" билан дуранг (3:3) ўйнадик. Навбатдаги ўйинларни пешқадамлар сафида кетаётган "Чирчиқ-Максам" ва "Локомотив"га қарши ўтказамиз. Қийин бўлади", - дейди Раҳматов.

- "Когон" олдига қандай вазифа қўйилган?
- Барча клубларда бўлгани каби чемпионлик вазифаси қўйилган. Камида кучли учликка кирмоқчимиз.


Толибжон Қосимов.