БАА ва Яман таклифлари рад этилди
31 дек 2013 11:50
Янгиликлар

БАА ва Яман таклифлари рад этилди

ЎФФ БАА футбол федерациясининг 5-11 январь оралиғидаги икки томон учун мақбул бўладиган кунда Уммонда ҳар икки жамоа ёшлар (U-22) терма жамоалари ўртасида ўртоқлик учрашуви ўтказиш бўйича билдирган таклифини рад этган.

Яна ҳам аниқроғи, БАА ФФ 3 ва 5 январь кунларига Ўзбекистон ёшлар терма жамоаси билан иккита ўртоқлик учрашуви ўтказиш таклифи билан чиққан. Худди шундай таклифни Яман ҳам билдирган. Яманликлар хатто авиа чипталар ва меҳмонхона ҳаражатларини ҳам ўз зиммаларига олишларини айтишган. Эътиборлиси, Яман ва БАА Уммондаги Осиё чемпионатида бир гуруҳдан жой олишган. Тушуниш жуда қийин, тайёр ўйинлар таклиф қилинсаю, бизникилар бундан осонликча воз кечиб юборишса. "Пахтакор" жамоасининг иккинчи таркибига мағлуб (1:3) бўлган Шуҳрат Мақсудов шогирдлари учун асосини БАА миллий термаси футболчилари ташкил этадиган жамоа билан чинакамига ўртоқлик ўйини ўтказган яхши эмасмиди? Таъкидлаш жоиз, айнан шу кунлар оралиғида, яъни 5-11 январь кунлари терма жамоамиз Дубайда йиғин ўтказади ва у ердан Уммондаги Осиё чемпионатида қатнашиш учун йўлга чиқади.

Камолиддин Алимов.

Ҳавола :

Манба : championat.asia

Янгиликларни Телеграмда ўқинг!

Рейтинг: